خبریں

بنگلہ دیش میں روہنگیا باشندے سے پانچ ملین ڈالر کی منشیات برآمد

بنگلہ دیشی پولیس نے ایک روہنگیا باشندے کو گرفتار کر کے اس کے قبضے سے پانچ ملین ڈالر مالیت کی منشیات برآمد کر لی ہیں۔ حکام کے مطابق اس ملک میں یہ اب تک پکڑی جانے والی سب سے زیادہ مالیت کی منشیات ہیں۔

بنگلہ دیش میں روہنگیا باشندے سے پانچ ملین ڈالر کی منشیات برآمد
بنگلہ دیش میں روہنگیا باشندے سے پانچ ملین ڈالر کی منشیات برآمد 

ڈھاکا سے پیر اٹھائیس اکتوبر کو ملنے والی نیوز ایجنسی اے ایف پی کی رپورٹوں کے مطابق پولیس کے ایک ترجمان نے بتایا کہ کئی ملین ڈالر مالیت کی ان منشیات کو اتوار ستائیس اکتوبر کو اس وقت قبضے میں لے لیا گیا جب حکام کو یہ اطلاع ملی تھی کہ میانمار کے ساتھ سرحد سے ملحقہ کوکس بازار کے بنگلہ دیشی علاقے کے ایک ساحل پر میانمار سے ایک ایسا ٹرالر پہنچنے والا تھا، جس پر یہ منشیات لدی ہوئی تھیں۔

Published: undefined

اس اطلاع پر مارے جانے والے چھاپے کے دوران پولیس کے ایک خصوصی دستے نے اس ٹرالر پر بوریوں کی صورت میں لدی ہوئی تقریباﹰ آٹھ لاکھ نشہ آور گولیاں اپنے قبضے میں لے لیں اور اس دوران ایک روہنگیا باشندے کو گرفتار بھی کر لیا گیا۔ یہ بھی بتایا گیا ہے کہ اس چھاپے کے دوران اس مبینہ اسمگلر کے متعدد دیگر ساتھی فرار ہونے میں کامیاب ہو گئے۔

Published: undefined

بنگلہ دیش کے ہمسایہ ملک میانمار میں راکھین کی ریاست سے اگست 2017ء میں تقریباﹰ ساڑھے سات لاکھ روہنگیا مسلم اقلیتی باشندے راکھین میں سرکاری دستوں کے کریک ڈاؤن سے بچنے کی کوشش کرتے ہوئے سرحد پار کر کے بنگلہ دیش میں پناہ گزین ہو گئے تھے۔

Published: undefined

ان مہاجرین کو زیادہ تر کوکس بازار ہی میں عبوری طور پر ایسے علاقوں میں رکھا گیا ہے، جنہیں اب دنیا کا سب سے بڑا مہاجر کیمپ کہا جاتا ہے اور اس کیمپ میں منشیات کی غیر قانونی تجارت بھی ایک بڑا مسئلہ بن چکی ہے۔

Published: undefined

پولیس کے مطابق حکام نے آٹھ لاکھ کے قریب جو نشہ آور گولیاں اپنے قبضے میں لے لیں، وہ ایسی 'مَیتھ ایمفیٹامین‘ گولیاں تھیں، جو عرف عام میں 'یابا‘ کہلاتی ہیں اور جن کا تقریباﹰ 170 ملین کی آبادی والے ملک بنگلہ دیش کے نوجوان باشندوں میں استعمال بہت عام ہو چکا ہے۔

Published: undefined

بنگلہ دیش میں قانون نافذ کرنے والے اداروں کے اہلکاروں نے ملک میں منشیات کی تجارت اور منشیات کے اسمگلروں کے خلاف جو کریک ڈاؤن گزشتہ برس شروع کیا تھا، اس دوران اب تک سکیورٹی فورسز کی کارروائیوں میں منشیات کے 500 سے زائد تاجر مارے جا چکے ہیں، جن میں سے کم از کم 25 روہنگیا باشندے تھے۔

Published: undefined

م م / ش ح (اے ایف پی)

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined