بہار کے مدھے پورہ سے رکن پارلیمنٹ راجیش رنجن عرف پپو یادو کے قافلے پر جمعرات کو مظفر پور میں حملہ ہوا ہے۔ بھارت بند حامیوں نے مظفر پور کے کھبڑا میں این ایچ پر رکن پارلیمنٹ پپو یادو کے قافلے پر پتھراؤ کیا۔ بتایا جا رہا ہے کہ حملے میں پپو یادو کو کافی چوٹیں بھی آئی ہیں۔ یہ حملہ مظفر پور سے مدھوبنی جانے کے دوران ہوا۔
Published: 06 Sep 2018, 5:48 PM IST
اس حملے سے متعلق پپو یادو نے ٹوئٹ کیا اور کہا کہ ’’بہار میں مہاجنگل راج کا ننگا ناچ ہو رہا ہے۔ ’ناری بچاؤ پد یاترا‘ میں مدھوبنی جانے کے دوران ہمارے قافلے پر بھارت بند کے نام پر غنڈوں نے حملہ کیا۔ کارکنان کو بری طرح ذات پوچھ پوچھ کر پیٹا گیا ہے۔ آخر بہار میں کوئی حکومت و انتظامیہ ہے یا نہیں! وزیر اعلیٰ نتیش کمار آپ کس کمبھ کرنی نیند میں سوئے ہیں۔‘‘
Published: 06 Sep 2018, 5:48 PM IST
حملے کے بعد پھوٹ پھوٹ کر روتے ہوئے انھوں نے کہا کہ اگر سی آر پی ایف کے جوان ان کے ساتھ نہیں ہوتے تو ان کا قتل یقینی تھا۔ حالات ایسے ہو گئے تھے کہ گولی چلانی پڑ سکتی تھی۔ انھوں نے بتایا کہ راستہ روک کر حملہ کرنے والوں کے ہاتھوں میں پستول تھی۔ انھوں کہا کہ حملے کے بعد ایس پی اور آئی جی سے رابطہ کرنے کی کوشش کی گئی لیکن کسی سے رابطہ نہیں ہو پایا۔ کسی نے کال ریسیو نہیں کیا۔
Published: 06 Sep 2018, 5:48 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 06 Sep 2018, 5:48 PM IST