نئی دہلی: کانگریس جنرل سکریٹری پرینکا گاندھی وڈرا نے اترپردیش کے وزیراعلی یوگی آدتیہ ناتھ پر حملہ کرتےہوئے پیر کے روز کہا ہے کہ کورونا انفیکشن کے سلسلے میں لوگوں کی تعداد پر ان کے متضاد بیانوں سے ثابت ہوتا ہے کہ وہ جھوٹ بول رہے ہیں اور انفیکشن سے متاثروں کے اعدادوشمارپوشیدہ رکھ رہے ہیں۔ پرینکا گاندھی نے پیر کے روز اپنے ایک ٹوئٹ میں لکھا کہ ’’اترپردیش کے وزیراعلی جی کا یہ بیان سنا۔ حکومت کے اعدادوشمار کے مطابق تقریباً پچیس لاکھ لوگ ریاست میں لوٹ چکے ہیں۔ وزیراعلی جی کے بیان کی بنیاد پر ان میں سے مہاراشٹر سے لوٹنے والے 75 فیصد، دہلی سے لوٹنے والے 50 فیصد اور دیگر ریاستوں سے لوٹنے والے 25 فیصد لوگ کورونا سے متاثر ہیں۔‘‘
Published: undefined
پرینکا گاندھی نے یوگی آدتیہ ناتھ کے اس بیان پر سوال کیا ہے کہ ’’کیا وزیراعلی جی کا مطلب ہے کہ اترپردیش میں دس لاکھ سے زیادہ لوگ کورونا سے متاثر ہیں؟ مگر ان کی حکومت کے اعدادوشمار تو متاثروں کی تعداد 6228 بتارہے ہیں۔ ان کے ذریعہ بتائے گئے انفیکشن کے اعدادوشمار کی بنیاد کیا ہے؟ لوٹنے والے غیر مقیموں میں انفیکشن کا یہ فیصد آیا کہاں سے اور اگر یہ صحیح ہے تو ریاست میں اتنے کم ٹیسٹ کیوں ہورہے ہیں؟ یاتو یہ اعدادوشمار اترپردیش کی حکومت کے دیگر اعدادوشمار کی طرح غیر مصدقہ ہیں اور غیر ذمہ دار ہیں۔‘‘
Published: undefined
اترپردیش کانگریس کی انچارج پرینکا گاندھی نے کہا کہ ’’اگر وزیراعلی جی کے بیان میں سچائی ہے تو حکومت پوری شفافیت کے ساتھ ٹیسٹنگ، انفیکشن کا ڈاٹا اور دیگر تیاریوں کے سلسلے میں عوام سے اشتراک کریں اور یہ بھی بتائیں کہ انفیکشن پر قابوپانے کی کیا تیاری ہے۔‘‘
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر سوشل میڈیا