کورونا کے خاتمہ سے متعلق دعووں کو ڈبلیو ایچ او ماہرین نے مسترد کیا، کہا ’ابھی طویل راستہ طے کرنا ہے‘

عالمی ادارۂ صحت (ڈبلیو ایچ او) کے وائرس معاملوں پر خصوصی سفیر ڈاکٹر ڈیوڈ نابرو نے کورونا وبا کے خاتمہ کی بحث کو خارج کرتے ہوئے کہا ہے کہ کووڈ کو اب بھی ایک طویل راستہ طے کرنا ہے۔ ان کا بیان ایسے وقت پر سامنے آیا ہے جب کئی ماہرین کہہ رہے ہیں کہ کووڈ-19 انفیکشن اب ختم ہونے کے دہانے پر نظر آ رہا ہے۔ اسکائی نیوز کی ایک رپورٹ کے مطابق ڈاکٹر ڈیوڈ نابرو نے کہا کہ ایسا لگتا ہے جیسے ہم میراتھن میں نصف راستے کو پار کر رہے ہیں اور یہ اب بھی واضح نہیں ہے کہ کورونا وائرس کے چیلنجز اور حیرانی کے سبب خاتمہ تک پہنچنے میں کتنا وقت لگے گا۔

ڈاکٹر نابرو نے سیاسی لیڈروں اور ان لوگوں کی بھی تنقید کی جو عجیب و غریب پیشین گوئیاں کرنا جاری رکھے ہوئے ہیں، جن میں یہ دعویٰ کیا گیا ہے کہ کووڈ کو فلو کی طرح مانا جانا چاہیے۔ جب کہ ڈبلیو ایچ او کا کہنا ہے کہ عالمی حکومتوں کو لوگوں کو ایسا مشورہ نہیں دینا چاہیے کہ وائرس اچانک ناقابل یقین طریقے سے کمزور ہو گیا ہے۔

اسکائی نیوز سے انھوں نے بتایا کہ کووڈ ایک نیا وائرس ہے اور ہمیں اس کا علاج کرتے رہنا چاہیے جیسے کہ یہ حیرت سے بھرا ہے، بہت برا اور چالاک (میوٹیشن بدلنے کے سبب) ہے۔ انھوں نے مزید کہا کہ میں چاہتا ہوں کہ ہر کوئی ایک کام کرے، اور وہ یہ ہے کہ اس وائرس کا احترام کے ساتھ علاج کرنا۔ یہ نہیں بدلا ہے۔ یہ بالکل اچانک ایک آسان چیز نہیں ہے۔ یہ اب بھی بہت سنگین ہے۔

رپورٹ کے مطابق عالمی طبی ادارہ کے سفیر نے کہا ’’میرے لیے اگر اس کا اختتام ہونے والا ہے، تو یہ اچھی خبر ہی ہے۔ لیکن یہ ایا ہے جیسے ہم میراتھن میں آدھے راستے کو پار کر رہے ہیں اور ہم دیکھ سکتے ہیں کہ، ہاں، ایک خاتمہ ہے اور تیز دوڑنے والے آگے بڑھ رہے ہیں، وہ ہم سے آگے جا رہے ہیں۔ لیکن ہمیں اب بھی ایک طویل راستہ طے کرنا ہے اور یہ مشکل ہونے والا ہے۔‘‘