ویڈیو: 10 لاکھ بہاریوں کو ملازمت دے گا 'مہاگٹھ بندھن'، انتخابی منشور کے وعدوں سے بدل سکتی ہے بہار کی تقدیر

بہار اسمبلی انتخاب کے لیے پٹنہ میں مہاگٹھ بندھن نے اپنا انتخابی منشور جاری کر دیا ہے۔ انتخابی منشور جاری کرنے کے موقع پر آر جے ڈی لیڈر تیجسوی یادو، کانگریس لیڈر رندیپ سنگھ سرجے والا اور شکتی سنگھ گوہل سمیت کئی دیگر لیڈران موجود تھے۔ انتخابی منشور کے کور پیج پر لکھا ہے 'پرن ہمارا سنکلپ بدلاؤ کا' (قسم ہمارا عزم بدلاؤ کا)۔

اس موقع پر کانگریس لیڈر رندیپ سنگھ سرجے والا نے کہا کہ بہار انتخاب نئی حالت بمقابلہ خراب حالت کے درمیان جنگ ہے، یہ انتخاب نیا راستہ اور نیا آسمان بنام ہندو-مسلمان کا انتخاب ہے، یہ انتخاب نئی روشنی بنام ناکام تجربے کی دہائی کا انتخاب ہے، یہ انتخاب خودداری اور ترقی بنام بنٹوارے اور نفرت کا انتخاب ہے۔