کوہیما: ناگالینڈ میں ہفتہ پر تشدد جھڑپوں کے دوران سکیورٹی فورسز کی فائرنگ میں کم از کم 13 افراد ہلاک ہو گئے، جس کے بعد علاقہ کی صورت حال کشیدہ ہے۔ میڈیا رپورٹ کے مطابق یہ واقعہ مون ضلع کے اوٹنگ گاؤں میں پیش آیا جہاں متاثرہ دیہاتی پک اپ ٹرک کے ذریعے گھر لوٹ رہے تھے۔ واقعہ کے بارے میں اس وقت اطلاع موصول ہوئی جب دیہاتی وقت پر اپنے گھر نہیں پہنچ پائے۔
Published: undefined
بڑی تعداد میں لاشوں کو دیکھ کر دیہاتی مشتعل ہو گئے اور سکیورٹی فورسز کی گاڑیوں کو آگ لگا دی۔ واقعہ میں کئی افراد زخمی بھی ہوئے ہیں۔ میڈیا رپورٹ میں 13 افراد کے ہلاک ہونے کی تصدیق کی گئی ہے۔ ناگالینڈ کے وزیر اعلیٰ نیفیو ریو نے لوگوں سے امن برقرار رکھنے کی اپیل کی ہے اور کہا ہے واقعہ کی تحقیقات کے لئے ایس آئی ٹی تشکیل دی گئی ہے۔
Published: undefined
رپورٹ کے مطابق خفیہ اطلاع پر کارروائی کرتے ہوئے سکیورٹی فورسز نے تیرو-اوٹنگ روڈ پر گھات لگائی ہوئی تھی لیکن مبینہ طور پر شناخت کی غلطی کی وجہ سے دیہاتیوں کو باغی سمجھ لیا گیا۔ دراصل ان پٹ میں جس رنگ کی گاڑی کے بارے میں بتایا گیا تاھ ایس رنگ کی گاڑی وہاں سے گزری۔ جوانوں نے گاڑی کو روکنے کے لئے کہا لیکن اسے نہیں روکا گیا۔ اس کے بعد سکیورٹی فورسز نے فائرنگ شروع کر دی۔
Published: undefined
وزیر اعلیٰ نیفیو ریو نے ٹوئٹ کیا، ’’مون کے اوٹنگ میں شہریوں کے قتل کا واقعہ افسوس ناک اور قابل مذمت ہے۔ میں سوگوران سے تعزیت کا اظہار کرتا ہوں اور زخمیوں کی جلد صحت یابی کے لئے دعا گو ہوں۔ معاملہ کی اعلیٰ سطحی تحقیقات ایس آئی ٹی کرے گی اور ملک کے قانون کے مطابق انصاف کی فراہمی ہوگی۔ میں تمام طبقوں سے امن کی اپیل کرتا ہوں۔‘‘
Published: undefined
وزیر داخلہ امت شاہ نے بھی ناگالینڈ کے واقعہ پر افسوس کا اظہار کیا ہے۔ امت شاہ نے ٹوئٹ کیا، ’’ناگالینڈ کے اوٹنگ کے افسوس ناک واقعہ سے مجھے تکلیف پہنچی۔ جن لوگوں نے اپنی جان گنوائی ان کے اہل خانہ میں اپنی دلی تعزیت کا اظہار کرتا ہوں۔ ریاستی حکومت کی جانب سے تشکیل شدہ اعلیٰ سطحی ایس آئی ٹی اس واقعہ کی تحقیقات کرے گی اور رنجیدہ اہل خانہ کے لئے انصاف کی فراہمی کو یقین بنائے گی۔‘‘
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined