فلور ٹیسٹ میں پاس ہوئے تھلاپتی وجے، 144 اراکین اسمبلی کا ملا ساتھ، مخالفت میں پڑے صرف 22 ووٹ

نومنتخب وزیر اعلیٰ وجے تھلاپتی نے تمل ناڈو اسمبلی میں فلور ٹیسٹ پاس کر لیا ہے۔ وجے حکومت کو فلور ٹیسٹ میں 144 اراکین اسمبلی کی حمایت حاصل ہوئی، جب کہ اپوزیشن پارٹیوں نے فلور ٹیسٹ کی ووٹنگ سے قبل ایوان سے واک آؤٹ کر دیا۔ اس کے ساتھ ہی ٹی وی کے کی زیر قیادت مخلوط حکومت نے اسمبلی میں اعتماد کا ووٹ حاصل کر لیا۔

واضح رہے کہ 234 رکنی تمل ناڈو اسمبلی میں ٹی وی کے اتحاد سب سے بڑی طاقت بن کر ابھرا، لیکن اس کے پاس اپنے دَم پر اکثریت کا ہندسہ نہیں تھا۔ کانگریس، سی پی آئی، سی پی آئی (ایم)، وی سی کے، انڈین یونین مسلم لیگ (آئی یو ایم ایل) اور کچھ آزاد و چھوٹی پارٹیوں کی حمایت سے وجے نے حکومت بنائی تھی۔ فلور ٹیسٹ کے دوران اتحاد کو کل 144 اراکین اسمبلی کی حمایت حاصل ہوئی ہے۔