ملک بھر میں جن ریاستوں میں بی جے پی کی حکومتیں ہیں، وہاں بھیڑ کے ذریعہ بے قصور لوگوں کی پٹائی کا معاملہ تھمنے کا نام نہیں لے رہا ہے۔ اتر پردیش کی یوگی حکومت میں اس طرح کی وارداتیں کچھ زیادہ دیکھنے سننے کو ملتی ہیں۔ بھیڑ کے ذریعہ پٹائی کا تازہ معاملہ باغپت سے سامنے آیا ہے۔
Published: 02 Jun 2019, 6:10 PM IST
باغپت میں فوج کے دو جوانوں کی پٹائی کا معاملہ سامنے آیا ہے۔ سوشل میڈیا پر ایک ویڈیو وائرل ہو رہا ہے جس میں ریسٹورینٹ کے ملازمین روڈ پر فوج کے دو جوانوں کو دوڑا دوڑا کر پیٹتے ہوئے دکھائی دے رہے ہیں۔ ریسٹورینٹ کے ملازمین نے فوج کے جوانوں کو اتنا پیٹا کہ وہ لہو لہان ہو گئے۔
Published: 02 Jun 2019, 6:10 PM IST
یہ معاملہ ہفتہ کے روز کا ہے۔ ریسٹورینٹ کے ملازمین روڈ پر فوج کے جوانوں کو بری طرح سے پیٹ رہے تھے لیکن کوئی بھی مقامی شخص انھیں بچانے نہیں آیا۔ ویڈیو میں فوج کے جوان لہولہان حالت میں دکھائی دے رہے ہیں اور بھیڑ انھیں پیٹتی جا رہی ہے۔
Published: 02 Jun 2019, 6:10 PM IST
ویڈیو وائرل ہونے کے بعد یوگی حکومت کی پولس کی نیند ٹوٹی۔ اس معاملے میں پولس کا بیان بھی سامنے آیا ہے۔ سی او رامانند کشواہا کا کہنا ہے کہ "فوج کے دو جوان ریسٹورینٹ میں دوپہر کا کھانا کھا رہے تھے۔ اسی دوران ریسٹورینٹ میں ان کی ایک شخص سے کسی بات کو لے کر بحث ہو گئی۔ اس کے بعد ریسٹورینٹ کے ملازمین فوج کے جوانوں کے خلاف اس شخص کی حمایت میں آ گئے اور فوجی جوانوں کی پٹائی کر دی۔ اس معاملے میں کیس درج کر لیا گیا ہے۔ ساتھ ہی ریسٹورینٹ کے سات سے آٹھ ملازمین کو گرفتار کر لیا گیا ہے۔ معاملے کی جانچ کی جا رہی ہے۔"
Published: 02 Jun 2019, 6:10 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 02 Jun 2019, 6:10 PM IST
تصویر سوشل میڈیا