دہرادون / نئی دہلی: اتراکھنڈ کے رودرپریاگ ضلع میں دیر رات موسلا دھار بارش اور لینڈ سلائیڈنگ سے بڑے پیمانے پر جان و مال کا نقصان ہوا ہے۔ خراب موسم کی وجہ سے امدادی کام میں کافی مشکلات پیش آ رہی ہے۔ یہ مقام ہندوؤں کے مقدس مقام کیدارناتھ دھام کا آخری پڑاؤ ہے۔
Published: undefined
ضلع ڈیزاسٹر منیجمنٹ آفیسر نندن سنگھ راجوار نے بتایا کہ گوری کنڈ ڈاٹ پلیا کے قریب لینڈ سلائیڈنگ کی وجہ سے دو دکانیں اور ایک کھوکھے کے بہہ جانے کی اطلاع ہے۔ علاقائی افسر گوری کنڈ کے حوالے سے انہوں نے بتایا کہ مذکورہ جگہ سے 13 افراد کے لاپتہ ہونے کی اطلاع ملی ہے۔
Published: undefined
اب تک موصول ہونے والی معلومات کے مطابق لاپتہ ہونے والوں میں جنئی کے آشو (23)، تلواڑی کے رہنے والے پریانشو چمولا (18)، بستی کے رہنے والے رنبیر سنگھ (28)، نیپال کے رہنے والے امر بوہرا، انیتا بوہرا (26)، رادھیکا بوہرا (14)، پنکی بوہرا (8)، پرتھوی بوہرا (7)، جتل (6)، وکیل (3)، راجستھان کے بھرت پور کے کھانوا کے رہنے والے ونود (26)، اتر پردیش کے سہارنپور کے نگلہ بنجارہ کے رہنے والے ملائم (25) شامل ہیں۔
Published: undefined
دریں اثنا، ہندوستان کے محکمہ موسمیات (آئی ایم ڈی) نے بتایا کہ جمعہ کو قومی راجدھانی کے کچھ حصوں میں ہلکی بارش ہوئی اور کم از کم درجہ حرارت 26.5 ڈگری سیلسیس ریکارڈ کیا گیا، جو موسم کی اوسط سے دو درجے کم ہے۔ ماہرین موسمیات نے ہلکی بارش کے ساتھ مطلع کے عام طور پر ابر آلود رہنے کی پیش گوئی کی ہے۔ زیادہ سے زیادہ درجہ حرارت 34 ڈگری سیلسیس کے آس پاس رہنے کا امکان ہے۔ جمعہ کی صبح 8.30 بجے نسبتاً نمی کا تناسب 93 فیصد ریکارڈ کیا گیا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز
تصویر: بشکریہ محمد تسلیم