اتر پردیش کی راجدھانی لکھنؤ میں ایک تقریب میں شرکت کے لئے پہنچے مرکزی ریلوے کے وزیر پیوش گوئل کو سخت احتجاج کا سامنا کرنا پڑا ہے۔ احتجاج کر رہے لوگوں نے ان پر پھولوں کا گملہ پھینک کر حملہ کیا اور ان کی گاڑی کے شیشے توڑ دئے۔
پولس نے کڑی مشقت کے بعد پیوش گوئل کو تقریب کے مقام طسے محفوظ نکالا۔ اس کے باوجود لوگوں نے ان کی گاڑی کا دور تک پیچھا کیا۔ پیوش گوئل کے وہاں سے جانے کے بعد بھی لوگ کافی دیر تک ہنگامہ کرتے رہے۔ دلچسپ بات یہ ہے کہ یہ سب کچھ پولس کی موجودگی میں ہوا۔
بتایا جاتا ہے کہ پیوش گوئل لکھنؤ کے چارباغ ریلوے اسٹیشن پر ریلوے کے کی ایک تقریب میں شرکت کے لئے پہنچے تھے۔ تقریب میں جیسے ہی گوئل نے بولنا شروع کیا لوگ آپے سے باہر ہو گئے اور ہنگامہ کرنے لگے۔ بتایا جا رہا ہے کہ گوئل نے اپنی تقریر کے دوران ریلوے ملازمین کی یونین پر نشانہ لگایا تھا جس کی وجہ سے ملازمین برہم ہو گئے۔
Published: undefined
مشتعل لوگوں نے پیوش گوئل کے خلاف نعرےبازی شروع کر دی۔ پھر بھی گوئل جب تقریر کرتے رہے تو لوگوں نے وہاں رکھے گملے اٹھاکر اسٹیج پر پھینکا شروع کر دئے۔ لوگوں کو اس قدر مشتعل دیکھ کر پولس نے کڑی مشقت کے بعد گوئل کو اسٹیج سے اتار کر گاڑی میں بیٹھایا۔ لیکن اس کے بعد بھی لوگوں کی ناراضگی کم نہیں ہوئی اور انہہوں نے گاڑی پر بھی گملوں سے حملہ کر دیا، جس کی وجہ سے گاڑی کے شیشے ٹوٹ گئے۔ اس کے بعد ناراض لوگوں نے کافی دور تک ان کی گاڑی کا پیچھا کیا۔
موصولہ اطلاعات کے مطابق اس حملہ میں گوئل کو چوٹ بھی آئی ہے۔ بتایا جا رہا ہے کہ حملہ کرنے والے ریل ملازمین اور وہ گوئل کی تقریر سے ناراض ہو گئے۔ ناراض ملازمین نے ان کی مخالفت میں جم کر مردآباد کے نعرے بھی لگئے اور ان کے جانے کے بعد بھی مقام تقریب پر ہنگامہ آرائی کرتے رہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز
تصویر: محمد تسلیم