سری نگر: نیشنل کانفرنس کے صدر اور سابق وزیر اعلیٰ ڈاکٹر فاروق عبداللہ نے کہا کہ ان کی آزادی تب تک نامکمل ہے جب تک باقی محبوس سیاسی لیڈروں کو رہا نہیں کیا جائے گا۔ انہوں نے کہا کہ وہ تب تک کسی سیاسی معاملے پر بات بھی نہیں کریں گے۔
Published: undefined
انہوں نے ان باتوں کا اظہار یہاں قریب ساڑھے سات ماہ کی نظر بندی ختم ہونے کے بعد اپنی گپکار رہائش گاہ پر میڈیا کے سامنے کیا۔ اس موقع پر ان کے ہمراہ ان کی اہلیہ مولی عبداللہ، بیٹی صفیہ عبداللہ خان اور ایک نواسہ بھی تھا۔
Published: undefined
موصوف سابق وزیر اعلیٰ نے کہا: 'میری آزادی تب تک مکمل نہیں ہے جب تک نہ باقی لیڈروں بشمول عمر عبداللہ، محبوبہ جی کو رہا کیا جائے گا جو مختلف جیلوں اور جگہوں پر بند ہیں'۔ انہوں نے امید ظاہر کی کہ حکومت ہند باقی محبوس لیڈروں کی رہائی کے لئے فوری اقدام کرے گی۔
Published: undefined
ڈاکٹر فاروق عبداللہ نے کہا کہ میں کسی بھی سیاسی معاملے پر تب تک بات نہیں کروں گا جب تک نہ تمام محبوس لیڈران رہا ہوں گے۔ انہوں نے ملک کے تمام لیڈروں اور عوام سے جموں کشمیر کے عوام کے لئے آواز بلند کرنے کی اپیل کی۔
فاروق عبداللہ نے ملک کی اپوزیشن جماعتوں، لیڈران اور اُن افراد کا شکریہ ادا کیا جنہوں نے جموں وکشمیر کے عوام کی آواز بلند کی اور ہماری رہائی کا مطالبہ کیا۔ انہوں نے نامہ نگاروں کا بھی شکریہ ادا کیا جنہوں نے بقول ان کے جموں وکشمیر کے لوگوں کے حقوق اور مشکلات بات کی۔ اُن کا فرداً فرداً شکر گزار ہوں جو میری اور دیگر محبوسین کی رہائی کے لئے دعا کرتے رہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined