راجستھان سرحد کے قریب دو پاکستانی درانداز ہلاک، منشیات کی اسمگلنگ کا امکان

سری گنگانگر: بارڈر سکیورٹی فورس (بی ایس ایف) کے جوانوں نے راجستھان میں سرحد سے متصل ضلع سری گنگانگر کے گج سنگھ پور تھانہ علاقے میں ہند۔پاک سرحد پر دو درندازوں کو ہلاک کردیا۔

پولیس ذرائع نے آج بتایا کہ بی ایس ایف کی خیالی والہ چوکی کو رات میں تقریبا تقریبا 1.45 بجے فوجیوں کو سرحد کے قریب ہلچل محسوس ہوئی۔ بی ایس ایف کے جوانوں کے للکارنے پر دو مشتبہ افراد نے کوئی چیز بیرک کے قریب پھینک دی اور واپس پاکستان سرحد کی طرف بھاگنا شروع کر دیا۔ اس پر فوجیوں نے فائرنگ کی، جس سے دونوں موقع پر ہی ہلاک ہو گئے۔

پولیس ذرائع کے مطابق ان مشتبہ افراد کے پھینکے ہوئے دس پیلے رنگ کے پیکٹ ملے ہیں۔ ان میں سے آٹھ پیکٹ تاربندی کی اس طرف ہندوستانی علاقہ میں اور دو پیکٹ باڑھ کی دوسری طرف زیرو لائن سے پہلے ہندوستانی خطے میں ملے۔ ان دونوں پیکٹ کے قریب دونوں دراندازوں کی لاشیں ملی ہیں۔ لاشوں سے کارتوسوں سے بھری دو بھاری پستول اور دو میگزین کارتوس برآمد ہوئے ہیں۔

پولیس نے بتایا ہلاک ہونے والے دراندازوں کی عمر تقریباً 30 سال ہے۔ پیلے رنگ کے پلاسٹک میں لپٹے پیکٹوں میں 10 کلو ہیروئن ملنے کا امکان ہے، جس کی قیمت بین الاقوامی مارکیٹ میں کروڑوں روپے ہے۔ بی ایس ایف کی جانب سے واقعہ کی اطلاع آج عالی الصبح 3 بجے کے قریب مقامی پولیس کو دی ، جس کے بعد پولیس افسران موقع پر پہنچ گئے۔ سری کرن پور سیکٹر میں تعینات بی ایس ایف بٹالین کے کمانڈنٹ اور سری گنگانگر سے بی ایس ایف کے ڈی آئی جی سمیت متعدد سینئر افسران موقع پر پہنچ گئے ہیں۔

بی ایس ایف کے ایک سینئر افسران موقع پر پہنچ گئے ہیں۔ ذرائع کے مطابق یہ پیکٹ لینے کے لئے ہندوستانی علاقہ کی جانب سے باڑھ کے قریب ہندوستانی خطے سے کچھ مشکوک افراد کے آنے کی اطلاع ہے۔ ان مشتبہ افراد کو پکڑنے کے لئے اس پورے علاقے میں بی ایس ایف اور پولیس کے ذریعہ مشترکہ سرچ آپریشن چلائی جارہی ہے۔

ذرائع کا کہنا ہے کہ پچھلے ایک یا دو دن میں گاؤں آنے والے باہری لوگوں کے بارے میں معلومات اکھٹی کی جا رہی ہیں۔ پوسٹ مارٹم کرنے کے لئے ڈاکٹروں کو موقع پر طلب کر لیا گیا ہے۔ ضلع سری گنگانگر سے متصل بین الاقوامی سرحد پر پاکستان کی جانب سے منشیات کے اسمگلروں کے ذریعہ ہیروئن کی کھیپ لیکر آنے اور انہیں بی ایس ایف کے ذریعہ ڈھیر کئے جانے کا یہ واقعہ کافی عرصہ بعد پیش آیا ہے۔