قومی خبریں

ریاستوں کو سپلائی کیے گئے خراب وینٹی لیٹر کی مکمل جانچ ہونی چاہیے: گہلوت

اشوک گہلوت نے کہا کہ مجھے امید ہے کہ ہندستانی حکومت غیرجانبدارانہ جانچ کرا کر اس طرح کے ڈیفیکٹیو وینٹی لیٹر سپلائی کرنے والی کمپنیوں کے خلاف سخت سے سخت کارروائی کرے گی۔

اشوک گہلوت، تصویر آئی اے این ایس
اشوک گہلوت، تصویر آئی اے این ایس 

جے پور: راجستھان کے وزیراعلی اشوک گہلوت نے وزیراعظم نریندر مودی کے پی ایم کیئر فنڈ سے ملے وینٹی لیٹرس کی آڈٹ کرانے کے فیصلے کو صحیح سمت میں اٹھایا گیا قدم قرار دیتے ہوئے کہا کہ ریاستوں کو خراب وینٹی لیٹر سپلائی کی مکمل جانچ اور متعلقہ کمپنیوں کے خلاف سخت کارروائی کی جانی چاہیے۔

Published: undefined

اشوک گہلوت نے سوشل میڈیا کے ذریعہ کہا کہ اس بات کی مکمل جانچ ہونی چاہیے کہ کس طرح ریاستوں کو ڈیفیکٹیو وینٹی لیٹر سپلائی کیے گئے۔ انہوں نے کہا کہ میڈیا رپورٹ سے پتہ چلا ہے کہ مرکزی حکومت کی کمپنی ایچ ایل ایل لائف کیئر لمیٹڈ کے ذریعہ تقریباً 10 کمپنیوں سے 59 ہزار وینٹی لیٹر خریدے گئے، اس میں کئی ایسی کمپنیاں بھی ہیں جنہیں وینٹی لیٹر بنانے کا کسی طرح کا تجربہ نہیں تھا۔

Published: undefined

انہوں نے کہا کہ اس لئے کئی ریاستوں کو ڈیفیکٹیو وینٹی لیٹٹر تقسیم ہوگئے۔ اس وجہ سے ڈاکٹروں نے مریضوں کی زندگی کی قیمت پر بیشتر مقامات پر ان وینٹی لیٹرس کا استعمال نہیں کیا۔ انہوں نے کہا کہ مجھے امید ہے کہ ہندستانی حکومت غیرجانبدارانہ جانچ کرا کر اس طرح کے ڈیفیکٹیو وینٹی لیٹر سپلائی کرنے والی کمپنیوں کے خلاف سخت سے سخت کارروائی کرے گی۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined