پرتاپ گڑھ: پیس پارٹی کے قومی صدر ڈاکٹر ایوب سرجن نے کہا ہے کہ انتخابی نتائج کے بعد بنیادی اشیا پٹرولیم مصنوعات، پکوان گیس و کھانے پینے کی اشیا میں مہنگائی جہاں عروج پر ہے، وہیں ایسا محسوس ہوتا ہے کہ حکومت مفت راشن کے بہانے مہنگائی میں اضافہ کر کے قیمت وصولنے کا کام کر رہی ہے۔ میڈیا کو جاری بیان میں ایوب سرجن نے کہا کہ مہنگائی میں انتہائی اضافہ کے سبب حالات یہ ہیں کہ غریب بھکمری کے دہلیز پر پہونچ گیا ہے۔ حکومت مفت راشن کا ڈھول پیٹ رہی ہے، جبکہ بے روزگاری میں ہر روز اضافہ ہو رہا ہے۔
Published: undefined
ڈاکٹر ایوب سرجن نے کہا کہ انتخاب کے دوران ووٹ حاصل کرنے کے لئے وزیر اعظم نریندر مودی اپنے انتخابی اجلاس میں عوام کے لئے بڑے بڑے دلکش اعلانات کرتے رہے ،مگر جیسے ہی انتخابی عمل ختم ہوا،اس کے بعد ملک کی عام عوام کو منہگائی کے ڈبل ڈوز کا سامنا کرنا پڑ رہا ہے ۔ملک میں کھانے پینے کی اشیاء کی قیمتیں پہلے سے عروج پر ہیں ،اب روز منہگائی میں اضافہ ہورہا ہے ۔کھانے پینے کی بنیادی اشیاء تیل وغیرہ کی قیمتوں میں انتہائی اضافہ کے سبب موجودہ حالات میں غریب و اوسط درجہ کے لوگوں کا گزر بسر مشکل ہو گیا ہے ۔
Published: undefined
حکومت انتخاب کے دوران لاکھوں لوگوں کو ملازمت دینے کا اعلان کرتی رہی ،مگر نئی ملازمت دینے کی بات تو دور ،جو لوگ سبکدوش ہورہے ہیں ،ان کے عہدوں کو ختم کر نئی ملازمت کے مواقع کو ختم کیا جا رہا ہے ،اس سے نوجوانوں کے زیادہ بے روزگار ہونے کے امکانات ہیں ۔عام نوجوان ملازمت کی امید چھوڑ چکا ہے ۔مہنگائی کے ساتھ ہی ملک میں بدعنوانی عروج پر ہے ۔انہوں نے کہا کہ مرکز کے ساتھ ہی بی جے پی زیر اقتدار والی ریاستوں میں آئے دن بدعنوانی کے بڑے بڑے گھپلے اجاگر ہو رہے ہیں ۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: بشکریہ محمد تسلیم