گجرات میں مہاجر مزدوروں کی گرفتاری ایک حساس معاملہ ہے: اکھلیش

لکھنؤ: گجرات کے سورت میں اپنے مالکان سے اپنی تنخواہ اور گھر جانے کے انتظامات کے مطالبے کے ساتھ سڑکوں پر اترے دیگر مقامات کے مہاجر مزدوروں کی گرفتاری پر اپنے تحفظات کا اظہا کرتے ہوئے سماج وادی پارٹی سربراہ اکھلیش یادو نے گزشتہ روز کو کہا کہ ان مزدوروں کی گرفتار کافی حساس معاملہ ہے حکومت کو ان کے اندر اعتماد کی بحالی کے لئے فوراً مالی امداد کا اعلان کرتے ہوئے رہائش کا معقول انتظام کرنا چاہے۔

ایس پی سربراہ نے ریاستی حکومت پر اقتدار کے غلط استعمال کا الزام لگایا کہ وزیر اعلی کے بارے میں ایک صحیح خبر شائع کرنے پر نیوز ویب سائٹ کے ایڈیٹر کے خلاف ایف آئی آر درج کرنا میڈیا کی آزادی پر پابندی عائد کرنا اور اقتدار کا واضح غلط استعمال کرنا ہے۔ انہوں نے کہا کہ بی جے پی حکومت کو میڈیا کے خلاف جانبدارانہ رویہ کا اظہار نہیں کرنا چاہیے۔ یہ جمہوریت کے خلاف گہری سازش ہے۔

اکھیلیش یادو نے کہا کہ سماج وادی پارٹی نے ہمیشہ سے مثبت اور تخلیقی تنقید کی حمایت کی ہے۔ کیا حکومت سے کسانوں، بے روزگار افراد، خواتین، نوجوانوں اور دیگر متاثرہ طبقے کے لئے راحت کے طور پر کیے گئے کاموں کے بارے میں سوالات نہیں پوچھے جانے چاہیں۔ لاک ڈاؤن کے درمیان اپنے گھروں میں قید ہونے پر مجبور بچوں اور عمر رسیدہ افراد کے حالات کیسے ہیں؟ کیا سماج کے کمزور طبقات کے بارے میں سوال کرنا اب جرم کے زمر ے میں آتا ہے؟۔

کورونا وائرس کے چین کو توڑنے کے لئے ملک گیر مکمل لاک ڈاون کی سماج وادی پارٹی کی جانب سے مکمل عمل کرنے کی یقین دہانی کے ساتھ انہوں نے کہا کہ سماج وادی پارٹی کے کارکنان حکومت اور محکمہ صحت کے ہدایات پر مکمل عمل کرتے ہوئے ضرورت مندوں کی مدد کر رہے ہیں۔ بحران کی اس گھڑی میں سماج وادی پارٹی جمہوری ذمہ داریوں سے منھ نہیں موڑ سکتی۔ ہماری تجاوزیر ٹیم۔11 کو مزید کارگر اور مؤثر بنانے کے لئے ہوتی ہیں۔