لالو یادو پر میتھلی ٹھاکر کے تبصرے سے تیجسوی یادو ہوئے برہم

راشٹریہ جنتا دل (آر جے ڈی) کے ایکزیکیوٹیو صدر تیجسوی یادو نے جمعہ کو گلوکارہ سے سیاستداں بننے والی میتھلی ٹھاکر کے بہار میں ان پارٹی کی حکمرانی کے بارے میں کئے گئے تبصروں پر سخت تنقید کی۔ اپوزیشن لیڈر تیجسوی یادو نے براہ راست میتھلی ٹھاکر کا نام نہیں لیا لیکن سوشل میڈیا پران کی ایک تصویر شیئر کرتے ہوئے ان کے تبصروں کی مذمت کی ہے۔انہوں نے خود کا موازنہ دریودھن اور آر جے ڈی سپریمو لالو پرساد یادو کا اشاروں میں موازنہ ’دھرتراشٹر‘ سے کرنے پر جوابی حملہ کیا۔

جمعرات کو اسمبلی میں تقریر کرتے ہوئے میتھلی ٹھاکر نے بالواسطہ طور سے آر جے ڈی صدر لالو پرساد یادو کے چھوٹے بیٹے تیجسوی یادو کے لیے ہمدردی کا موازنہ مہابھارت کے دور میں ہستنا پور کے راجا دھرتراشٹر  کے بیٹے دوریودھن کے تئیں ہمدردی سے کیا تھا۔ جس کے بعد بہار اسمبلی میں میتھلی کے بیان کو سنجیدگی سے لیتے ہوئے آر جے ڈی کے ایکزیکیوٹیو صدر تیجسوی یادو نے جوابی حملہ کیا ہے۔

اگرچہ میتھلی نے لالو پرساد یادو یا ان کی پارٹی کا نام لے کر ذکر نہیں کیا لیکن’’2005 سے پہلے کابہار‘ کا حوالہ دیتے ہوئے اپنے اشاروں سے صاف کردیا کہ وہ آر جے ڈی کے سابقہ ​​دور حکومت پر تنقید کر رہی ہیں۔ جس پر تیجسوی یادو نے اپنی پوسٹ میں لکھا کہ’’کچھ لوگ، ایم ایل اے بنتے ہی سیاست کا مکمل علم رکھنے کا گمان کر لیتے ہیں۔ قانون سازی کے معاملات کی بنیادی باتوں کو سمجھے بغیر ان میں ایک مقبول لیڈر کے بارے میں توہین آمیز تبصرے کرنے کی ہمت آجاتی ہے۔

راشٹریہ جنتا دل (آر جے ڈی) کے لیڈر تیجسوی یادو نے ایک اور سوشل میڈیا پوسٹ میں بہار کے وزیر اعلی نتیش کمار پر سخت حملہ کیا۔ انہوں نے الزام لگایا کہ ریاست میں امن و امان مکمل طور پر تباہ ہوچکا ہے جس سے افراتفری اور بدامنی کا ماحول ہے۔ تیجسوی نے کہا کہ جرائم پیشہ کو طاقت کے تحفظ سے حوصلہ ملتا ہے اور یہ کہ جرائم پیشہ اور حکمران لیڈروں کے درمیان گٹھ جوڑ پروان چڑھ رہا ہے۔ انہوں نے یہ بھی طنزیہ کہا کہ حکومت کا سربراہ بے ہوشی کی حالت میں نظر آرہا ہے جس کی وجہ سے عام لوگ پریشان ہیں، انتظامی نظام بدعنوانی میں ڈوبا ہوا ہے اور جرائم پیشہ افراد بغیر کسی خوف کے سرگرم ہیں۔