چراغ پاسوان سے تیجسوی یادو نے پوچھا ’آپ اتحاد میں کیوں ہیں؟‘

آر جے ڈی رہنما تیجسوی یادو نے ہفتہ کو مرکزی وزیر چراغ پاسوان کے اس بیان پر ردعمل ظاہر کیا، جس میں انہوں نے بہار پولیس کو بے کار قرار دیا ہے۔ اور نتیش حکومت پر بھی حملہ کیا ہے۔ ساتھ ہی رکن پارلیمنٹ منوج جھا نے کہا کہ وہ صرف میڈیا میں بیانات دے کر بچ نہیں سکتے۔

تیجسوی یادو نے کہا، "جرائم (بہار میں) اتنے بڑھ گئے ہیں کہ مجرم 'وجئے' اور 'سمراٹ' بن گئے ہیں۔ چراغ پاسوان بھی حکومت کا حصہ ہیں۔ چراغ پاسوان پہلے تو اپنی ہی حکومت اور نتیش کمار پر انگلیاں اٹھا رہے ہیں اور دوسری طرف دکھا رہے ہیں کہ وہ کتنے کمزور ہو گئے ہیں۔"

حزب اختلافکے رہنماتیجسوی یادو نے کہا کہ "اگر وہ دیکھ سکتے ہیں کہ بہار میں جرائم اتنے بڑھ گئے ہیں، تو وہ اب بھی اسی اتحاد میں کیوں ہیں؟ کیونکہ وہ کرسی سے پیار کرتے ہیں... آپ (چراغ پاسوان) مرکزی وزیر ہیں اور اتنے کمزور ہو گئے ہیں کہ آپ صرف افسوس کا اظہار ہی کر سکتے ہیں؟ کوئی بھی کہیں محفوظ نہیں ہے۔"

مرکزی وزیر چراغ پاسوان کے بیان پر آر جے ڈی لیڈر منوج کمار جھا نے کہا، "آپ (چراغ پاسوان) مرکز میں وزیر ہیں، آپ کا بہت بڑا رول ہے، آپ صرف میڈیا میں بیانات دے کر بچ نہیں سکتے۔ آپ کو وزیر اعظم  مودی اور امت شاہ کو بتانا چاہیے کہ وہ ایک فیکٹ فائنڈنگ ٹیم بہار بھیجیں۔"