کل سے بدل جائے گا تتکال ٹکٹ کا ضابطہ، آئی آر سی ٹی سی سے ’آدھار‘ کو کرانا ہوگا لنک

ہندوستانی ریلوے سے سفر کرنے والے مسافر متوجہ ہوں۔ یکم جولائی سے ریلوے تتکال ٹکٹ کا ضابطہ بدلنے جا رہا ہے۔ اب یکم جولائی سے تکتال ٹکٹ بکنگ کی اجازت صرف انہیں آئی آر سی ٹی سی اکاؤنٹ ہولڈرس کو ملے گی جو اپنے اکاؤنٹ میں آدھار نمبر سے آتھینٹکیٹ کرا چکے ہیں۔ ریلوے اس کی مدد سے تتکال ٹکٹ میں فرضی واڑہ کو روکنا چاہتی ہے۔

وزیر ریل اشونی ویشنو پہلے ہی سماجی رابطے کی ویبس ائٹ ’ایکس‘ پر پوسٹ کرکے اس ضابطے کی جانکاری دے چکے ہیں۔ اب انڈین ریلوے کیٹرنگ اینڈ ٹورزم کارپوریشن (آئی آر سی ٹی سی) کے پورٹل اور ایپ پر بھی نئے ضابطے کی جانکاری فلیش کر رہی ہے۔

ریل مسافروں کو سب سے پہلے یہ جاننے کی ضرورت ہے کہ وہ کیسے اپنے آئی آر سی ٹی سی اکاؤنٹ کو آدھار نمبر سے آتھینٹکیٹ کر سکتے ہیں۔ یہ سروس بالکل مفت ہے اور یہ چند منٹ میں مکمل ہو جاتی ہے۔ آیئے اس کے پروسیس کو سمجھتے ہیں:

سب سے پہلے آئی آر سی ٹی سی ایپ کو اوپن کریں یا پھر براؤذر میں آئی اار سی ٹی سی ویب سائٹ کو اوپن کریں۔ اس کے بعد آئی آر سی ٹی سی پورٹل پر لاگ اِن کریں۔

اس کے بعد ٹاپ رائٹ سائڈ پر آپ کو My Account نام کا آپشن ملے، گا اس پر کلک کریں، اس کے بعد اسکرین پر آتھینٹکیٹ یوزر آپشن دکھائی دے گا۔ اس پر کلک کرنا ہوگا۔ اس کے بعد موبائل ایپ یا لیپ ٹاپ کی اسکرین پر آتھینٹکیشن کا پروسیس اوپن ہو جائے گا۔ یہاں آپ کا نام اور جنس کی تفصیل ہوگی۔ نام سے اوپر آدھار نمبر کی تفصیل بھرنے کا آپشن درج ہوگا، جس میں اپنے آدھار نمبر کو اینٹر کریں۔

پھر نیچے کی طرف آئیں، وہاں او ٹی پی کا آپشن دکھائی دے گا، اس پر کلک کریں۔ اس کے بعد آدھار کے ساتھ رجسٹرڈ نمبر پر او ٹی پی آئے گا۔ اس کو آر آر سی ٹی سی پورٹل پر اینٹر کر دیں۔ آخر میں کنڈیشن کے بکس پر چیک کر دیں پھر سبمٹ کر دیں۔ آخر میں آپ کا آئی آر سی ٹی سی اکاؤنت آدھار سے آتھنٹکیٹ ہونے کے بعد کچھ میسج آئے گا ساتھ ہی مائی اکاؤنٹ کے اندر آتھینٹکیٹ یوزر کے آگے گرین ٹک نظر آنے لگے گا۔

آئی آر سی ٹی سی اکاؤنٹ کو آدھار نمبر سے آتھینٹکیٹ کرنے کے لیے ضروری ہے کہ ہمیشہ آفیشیل ایپ اور آفیشیل پورتل کا ہی سہارا لیں۔ سائبر اسکیمرس سے دھوکہ دہی کا خطرہ ہے۔ وہ بینک کھاتے میں سیندھ ماری بھی کرنے کے لیے فرضی پورٹل اور ایپ تیار کر سکتے ہیں، جس سے صارفین کو ہوشیار رہنے کی ضرورت ہے۔