اتر پردیش میں آندھی اور بارش نے 31 لوگوں کی لے لی جان، چترکوٹ میں 500 توتے بھی ہلاک

اتر پردیش میں آندھی اور بارش نے بڑے پیمانے پر تباہی مچائی ہے۔ نئے مغربی اختلال (ویسٹرن ڈسٹربنس) کے فعال ہونے کے باعث جمعرات کی دیر رات ریاست کے مختلف اضلاع میں موسم اچانک خراب ہو گیا۔ تیز ہواؤں، بارش اور آسمانی بجلی گرنے کے واقعات میں اب تک 31 افراد ہلاک ہو چکے ہیں۔ اس کے علاوہ سیکڑوں درخت جڑ سے اکھڑ گئے، کچے مکانات کو نقصان پہنچا اور کئی علاقوں میں گھروں کی ٹین کی چھتیں اڑ گئیں۔