نئی دہلی: کانگریس کے سینئر لیڈر راہل گاندھی نے کیرلا کے اپنے پارلیمانی حلقے وائناڈ میں اسپائس پارک اور میگا فوڈ پارک تعمیر کرنے پر زور دیا ہے۔
Published: undefined
راہل گاندھی نے اسپائس پارک کے قیام کے لئے کیرلا کے وزیراعلی پنرائی وجین کو ایک خط لکھ کر ان سے اس سلسلے میں ایک تجویز مرکزی حکومت کو بھیجنے کی درخواست کی ہے۔
Published: undefined
انہوں نے کہا کہ وائناڈ حلقے میں مسالے خاص طور پر ہلدی اور کالی مرچ کی کاشت ہوتی ہے۔ بنیادی سہولیات کے فقدان اور پروسیسنگ کی سہولیات کی کمی کے سبب لوگوں کو اس کا صحیح فائدہ حاصل نہیں ہو پا رہا ہے۔ ان سہولیات کے کمی کے سبب ایسی مصنوعات کی قیمت میں اضافہ نہیں ہوپاتا۔ انہوں نے کہا کہ ان سہولیات کے انتظام سے اس خطے میں لوگوں کی زرعی آمدنی میں اضافہ ہوسکتا ہے۔
Published: undefined
انہوں نے وجین سے ضلع میں ایک گرین فیلڈ میگا فوڈ پارک کے قیام کی تجویز بھیجنے کی بھی درخواست کی ہے۔ کیرلا میں فوڈ پروسیسنگ صنعت کے لئے کافی امکانات ہیں جس سے یہاں کے لوگوں کو روزگار بھی ملے گا اور برآمدات کو بھی فروغ دیا جاسکے گا۔
راہل گاندھی نے یہ خطوط کی کاپی وزیر تجارت پیوش گوئل اور فوڈ پروسیسنگ صنعت کی وزیر ہرسمرت کور بادل کو بھی ارسال کی ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined