کانگریس کی سابق صدر اور یو پی اے چیئرپرسن سونیا گاندھی نے ایک بار پھر رائے بریلی پارلیمانی حلقہ سے جیت حاصل کی ہے اور اس کے بعد ایک خط لکھ کر عوام کے ساتھ ساتھ سماجوادی پارٹی اور بہوجن سماجوادی پارٹی سمیت کچھ دیگر پارٹیوں اور اس کے کارکنان کا دل کی عمیق گہرائیوں سے شکریہ ادا کیا۔ سونیا گاندھی نے ہندی میں لکھے اس خط میں جو کچھ لکھا ہے اس کا ترجمہ کچھ اس طرح ہے...
Published: undefined
عزیز لوگو!
میں دل سے آپ سبھی کی شکرگزار ہوں کہ لوک سبھا کے اس الیکشن میں آپ نے ہر بار کی طرح مجھ میں اپنا اعتماد پھر ظاہر کیا۔ کانگریس کے ایک ایک کارکن کے علاوہ سماجوادی پارٹی، بہوجن سماج پارٹی اور سوابھیمان دَل کے ساتھیوں نے بھی جس طرح میری جیت کے لیے محنت کی، اس کے لیے میں سچے دل سے سب کی شکرگزار ہوں۔
Published: undefined
میری زندگی آپ سب کے سامنے ایک کھلی کتاب کی طرح رہی ہے۔ آپ میری فیملی ہیں۔ آپ سے مجھے جو ہمت اور حوصلہ ملتا رہا ہے، وہی میری اصلی پونجی ہے۔ میں نے بھی اپنی اس بڑی فیملی کا ہر طرح سے خیال رکھنے کی ہمیشہ کوشش کی ہے۔ اپنے نجی خاندانی ذمہ داریوں کو نبھاتے ہوئے میں نے اپنی عوامی ذمہ داریوں کو بھی ہر طرح سے نبھایا ہے۔ میری آگے بھی یہی کوشش رہے گی کہ میں اس میں کوئی کمی نہ آنے دوں۔
Published: undefined
میں جانتی ہوں کہ آنے والے دن اور بھی مشکل بھرے ہیں۔ لیکن مجھے پورا یقین ہے کہ آپ کی حمایت اور بھروسہ کی طاقت کے سہارے کانگریس ہر چیلنج کو پار کرے گی۔ لڑائی کتنی ہی لمبی ہو، میں آپ سے وعدہ کرتی ہوں کہ ملک کے بنیادی اقدار کی حفاظت کے لیے، کانگریس کے قدیم لیڈروں کی روایت پر عمل کرتے ہوئے، میں بھی اپنا سب کچھ قربان کرنے میں کبھی پیچھے نہیں ہٹوں گی۔
Published: undefined
آپ سے ملی محبت، اپنائیت اور حمایت کے لیے میں آپ کا دل سے شکریہ ادا کرتی ہوں۔
دستخط: سونیا گاندھی
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: بشکریہ محمد تسلیم
تصویل: کانگریس میڈیا ڈپارٹمنٹ
تصویر: پریس ریلیز
تصویر: بشکریہ محمد تسلیم