جے پور: کانگریس کی سابق قومی صدر سونیا گاندھی 9 دسمبر کو یعنی آج راجستھان کے سوائی مادھوپور ضلع کے رنتھمبور میں اپنی سالگرہ منائیں گی اور اس کے لیے راہل گاندھی بھی سوائی مادھوپور پہنچ چکے ہیں۔ سونیا گاندھی آج اپنا 76واں یوم پیدائش منا رہی ہیں اور وہ 4 روزہ راجستھان کے دورے پر پہنچیں ہیں۔ کل وہ بھارت جوڑو یاترا میں بھی شرکت کر سکتی ہیں۔
Published: undefined
رپورٹ کے مطابق سونیا گاندھی رنتھمبور نیشنل پارک پہنچ چکی ہیں۔ قبل ازیں، راہل گاندھی نے اپنی بھارت جوڑو یاترا کا اختتام بوندی ضلع کے کیشاورائے پٹن کے قریب گڈلی پھاٹک پہنچ کر کیا۔ اس کے بعد راہل گاندھی سوائی مادھوپور پہنچے، جہاں سونیا گاندھی کی سالگرہ کے پروگرام میں شرکت کریں گے۔ اس موقع پر پرینکا گاندھی سمیت گاندھی خاندان کے دیگر افراد بھی یہاں پہنچ رہے ہیں۔
Published: undefined
راہل گاندھی کا 10 دسمبر سے اپنی بھارت جوڑو یاترا دوبارہ شروع کرنے کا پروگرام ہے اور توقع ہے کہ سونیا گاندھی بھی اس دن بھارت جوڑو یاترا میں شامل ہونے کے لیے ہوائی جہاز سے کوٹا پہنچیں گی اور بعد میں گاندھی کی بھارت جوڑو یاترا میں شامل ہو سکتی ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined