کانگریس، بائیں محاذ اور آئی ایس ایف کے درمیان سیٹوں کی تقسیم کو لے کر جاری بات چیت مکمل ہوگئی ہے اور مشترکہ بیان میں کہا گیا ہے کہ متحدہ محاذ ممتا بنرجی اور بی جے پی کے مقابلے عوام کے سامنے متبادل پیش کرے گا ۔
Published: undefined
ذارئع کے مطابق کانگریس نے 92اسمبلی حلقہ، آئی ایس ایف 36سے 37سیٹوں پر اور بقیہ سیٹوں پر بائیں محاذانتخاب لڑے گا۔ بائیں محاذ کے چیرمین بمان بوس نے حریف جماعتوں کے ساتھ بات چیت کرکے اس پورے معاملے کو حتمی شکل دے دی ہے ۔
Published: undefined
سی پی ایم کے ذرائع کے مطابق بمان بوسن نے کل ریاستی کانگریس کے صدرادھیررنجن چودھری سے طویل ملاقات کی اور اس کے بعد رات دس بجے آئی ایس ایف کے رہنما عباس صدیقی سے بات چیت کی جس کے بعد یہ پورا معاملہ حل ہوگیا ۔ کانگریس کے ممبر پارلیمنٹ پردیب بھٹاچاریہ نے کہا کہ متحدہ محاذ بی جے پی اورترنمول کانگریس کے پروپیگنڈے کے خلاف ہم میدان میں جارہے ہیں ۔عوام مرکزی حکومت کی مہنگائی اور ممتا بنرجی کے خلاف ہیں ۔اس لئے انہیں امید ہے کہ بنگال کے عوام ان دونوں کے بجائے متحدہ محاذ کو ووٹ دیں گے ۔ بریگیڈ کی ریلی میں عوام کی بھیڑ نے یہ ثابت کردیا ہے کہ عوام ہمارے ساتھ ہیں ۔
Published: undefined
ترنمول کے رکن پارلیمنٹ سوگت رائے نے کہا ہے کہ بائیں بازو کے لوگ بریگیڈ کو دیکھ کر خوش ہو رہے ہیں۔ وہ بھیڑ آئی ایس ایف کے لوگوں کی تھی۔ اس اتحاد کی وجہ سے ترنمول کانگریس مخالف ووٹوں کی تقسیم ہوگی اور اس کا فائدہ ترنمول کانگریس کو ہوگا۔
Published: undefined
سی پی ایم رہنما اور ایم ایل اے تنوموئے بھٹاچاریہ نے کہا ہے کہ وہ ریاست میں 175 نشستوں کے ساتھ اقتدار میں آرہے ہیں۔ ترنمول کانگریس اور بی جے پی کے درمیان ووٹوں کی تقسیم کا فائدہ انہیں ہوگا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: بشکریہ محمد تسلیم
تصویل: کانگریس میڈیا ڈپارٹمنٹ