سندیش خالی معاملہ: کلکتہ ہائی کورٹ کے فیصلے کو ریاستی حکومت نے کیا سپریم کورٹ میں چیلنج

سندیش خالی معاملے کی تفتیش مغربی بنگال پولیس سے لے کر سی بی آئی کے حوالے کرنے کے کلکتہ ہائی کورٹ کے حکم کو ریاستی حکومت نے سپریم کورٹ میں چیلنج کیا ہے۔ سینئر ایڈووکیٹ ابھیشیک منوسنگھوی، جئے دیپ گپتا اور گوپال شنکر نرائنن کے توسط سے ریاستی حکومت نے ہائی کورٹ کے اس حکم کے خلاف سپریم کورٹ کا دروازہ کھٹکھٹایا ہے۔

اس ضمن میں ملی ابتدائی معلومات کے مطابق ابھیشیک منو سنگھوی نے سپریم کورٹ کے دوسرے سینئر جج جسٹس سنجیو کھنہ کے روبرو زبانی طور پر اسے فوری طور پر سماعت کے لیے فہرست بند کرنے کی اپیل کی۔ وکلا کی اس اپیل کے بعد جسٹس سنجیوکھنہ نے اس تعلق سے دستاویزات جمع کرنے کے حکم دیا ہے۔امید جتائی جا رہی ہے کہ بہت جلد اس معاملے کی سماعت کے لیے سپریم کورٹ میں ہو سکتی ہے۔

واضح رہے کہ کلکتہ ہائی کورٹ نے مغربی بنگال کے سندیش خالی تشدد معاملے میں اہم فیصلہ دیتے ہوئے مغربی بنگال پولیس کی ایس آئی ٹی کو اس پورے تفتیش سے روک دیا ہے۔ اسی کے ساتھ عدالت نے سی بی آئی کو اس کی تفتیش کا حکم دیتے ہوئے ریاستی حکومت سے کہا ہے کہ وہ اس معاملے میں گرفتار شاہ جہاں شیخ کو سی بی آئی کے حوالے کردے۔