17ویں لوک سبھا کے پہلے اجلاس کے تیسرے دن راجستھان کے کوٹہ سے بی جے پی رکن پارلیمنٹ اوم بڑلا کو متفقہ طور پر لوک سبھا اسپیکر نامزد کیا گیا۔ اس عمل کے بعد ان کی تعریف میں وزیر اعظم نریندر مودی سے لے کر لوک سبھا میں کانگریس کے لیڈر ادھیر رنجن چودھری تک نے کی۔ اسی دوران مودی کابینہ میں وزیر رام داس اٹھاولے نے اوم بڑلا کو اپنے خاص انداز میں مبارکباد پیش کی۔ انھوں نے ایک نظم سنائی اور اس دوران کچھ ایسا کہا کہ ہر کوئی قہقہہ لگانے کے لیے مجبور ہو گیا۔ قہقہہ لگانے والوں میں وزیر اعظم نریندر مودی، یو پی اے چیئرپرسن سونیا گاندھی، کانگریس صدر راہل گاندھی سمیت ایوان میں بیٹھا ہر رکن شامل تھا۔
Published: 19 Jun 2019, 5:10 PM IST
اٹھاولے نے راہل گاندھی کو ان کی پیدائش کے موقع پر مبارکباد دی۔ انھوں نے کہا کہ راہل جی نے بہت کوشش کی لیکن جمہوریت میں لوگ جس کی چاہتے ہیں انہی کی حکومت بنتی ہے۔ اٹھاولے نے مزید کہا کہ ’’جب آپ کی حکومت تھی تو میں آپ کے ساتھ تھا لیکن اب آپ کی حکومت نہیں ہے۔‘‘ یہ سن کر ایوان میں موجود سبھی لوگوں کی ہنسی چھوٹ گئی۔
Published: 19 Jun 2019, 5:10 PM IST
اپنی تقریر کے دوران اٹھاولے نے اوم بڑلا کے بارے میں کہا کہ ’’آپ ہنستے نہیں ہیں، لیکن میں آپ کو ہنسا کر رہوں گا۔‘‘ غور طلب ہے کہ رام داس اٹھاولے لوک سبھا رکن نہیں ہیں لیکن وزیر ہونے کے سبب اور اپنی پارٹی ریپبلکن پارٹی آف انڈیا کا سربراہ ہونے کے ناطے انھوں نے یہاں پر تقریر کی۔
لوک سبھا میں دی گئی اٹھاولے کی تقریر پر مبنی ویڈیو ذیل میں دیکھ سکتے ہیں...
Published: 19 Jun 2019, 5:10 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 19 Jun 2019, 5:10 PM IST