کانگریس لیڈر راہل گاندھی اور کانگریس جنرل سکریٹری پرینکا گاندھی نے روزگار کو لے کر ایک بار پھر بی جے پی حکومت کو تنقید کا نشانہ بنایا ہے۔ راہل گاندھی نے بے روزگار کے معاملہ پر مودی حکومت کو گھیرتے ہوئے کہا ہے کہ ’’طلبا کو ملازمت چاہیے لیکن حکومت دے رہی ہے پولس کے ڈنڈے، واٹر گن کی بوچھار، اینٹی نیشنل کا ٹیگ اور بے روزگاری۔‘‘ اس کے ساتھ ہی راہل گاندھی نے ’اسٹوڈنٹس وانٹ جابس‘ یعنی طلبا کو ملازمت چاہیے کا ہیش ٹیگ بھی لگایا ہے۔
Published: undefined
کانگریس جنرل سکریٹری پرینکا گاندھی نے بی جے پی حکومت میں بڑھتی بے روزگاری کے خلاف آواز اٹھاتے ہوئے کہا کہ ’’ہر سال 2 کروڑ نوجوانوں کو روزگار کا وعدہ کرنے والی بی جے پی حکومت میں روزگار کی حالت دیکھیے۔ بے روزگاری گزشتہ 45 سال کے عروج پر، 28 لاکھ سرکاری ملازمتوں کے عہدے خالی، بھرتیوں، امتحان، ریزلٹ اور جوائننگ کا نام و نشان نہیں۔‘‘ انھوں نے مزید کہا کہ ’’جھوٹے وعدے نہیں، طلبا کو ملازمت چاہیے۔‘‘
Published: undefined
اس سے قبل یوگی حکومت کو تنقید کا نشانہ بناتے ہوئے پرینکا گاندھی نے ایک ٹوئٹ کیا جس میں لکھا کہ ’’اشتہارات کی سرکار، جھوٹا سارا پرچار، ٹوئٹر پر بانٹے نوکری، نوجوان کو کیا درکنار، یوگی جی، یہ جو پبلک ہے، سب جانتی ہے۔ یو پی کے نوجوانوں سے 70 لاکھ ملازمتوں کا وعدہ تھا لیکن لاکھوں آسامیاں خالی پڑی ہیں۔ نوجوان بھرتیوں، ریزلٹس، جوائننگ کا انتظار کرتے کرتے پریشان ہیں۔‘‘
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم
تصویر: سوشل میڈیا