لوک سبھا میں’ایس آئی آر‘ پر گونج سنائی دے گی، راہل گاندھی انتخابی اصلاحات پر بحث شروع کریں گے

طویل عرصے سے زیر التوا انتخابی اصلاحات پر ایک اہم دو روزہ بحث آج  لوک سبھا میں شروع ہونے والی ہے۔ اس بحث کا آغاز اپوزیشن لیڈر راہل گاندھی کریں گے۔حزب اختلاف  مانسون اجلاس سے ہی انتخابی فہرستوں کے خصوصی نظر ثانی(ایس آئی آر) پر بحث کا مطالبہ کر رہی تھی، لیکن حکومت نے دلیل دی کہ الیکشن کمیشن ایک آزاد، خود مختار اور آئینی ادارہ ہے۔ اس لیے اس نے صرف جامع "انتخابی اصلاحات" پر بحث کی تجویز پیش کی جسے اپوزیشن نے قبول کر لیا۔

حزب اختلاف  کا دعویٰ ہے کہ کچھ ریاستوں میں ووٹر لسٹوں سے لاکھوں نام اچانک شامل یا حذف کر دیے گئے ، جس سے انصاف کے بارے میں شکوک پیدا ہوئے ہیں۔ جبکہ  حکومت اور الیکشن کمیشن نے ان الزامات کو مسترد کر دیا ہے۔

رکن پارلیمنٹ  اور سابق آئی اے ایس افسر نشی کانت دوبے، سابق مرکزی وزیر پی پی چودھری، کولکتہ ہائی کورٹ کے سابق جج ابھیجیت گنگوپادھیائے اور سنجے جیسوال حکمران بی جے پی کی جانب سے اس بحث میں نمایاں حصہ لیں گے۔ یہ رہنما انتخابی اصلاحات کے حق میں حکومتی موقف کو بھرپور طریقے سے پیش کریں گے۔

دوسری طرف کانگریس کے پاس 11 ارکان پارلیمنٹ ہوں گے جن میں راہل گاندھی، کے سی وینوگوپال، منیش تیواری، ورشا گائیکواڑ، محمد جاوید، اجول رمن سنگھ، عیسیٰ خان، روی ملو، عمران مسعود، گوول پاڈوی، اور جوتیمنی انتخابی اصلاحات  پر بحث کے دوران اپنے خیالات رکھیں گے۔