اسے روپے کا ٹوٹنا نہیں ’برباد ہو جانا‘ کہیں گے: راہل گاندھی

کانگریس صدر راہل گاندھی نے ڈالر کے مقابلہ روپے کی گرتی قدر کو لے کر تشویش کا اظہار کیا ہے۔ راہل گاندھی نے ٹوئٹ کر کے کہا، ’’ڈالر کے مقابلہ روپیہ 73.77 کی سب سے نچلی سطح پر پہنچ گیا ہے۔ اسے بریکنگ نہیں کہیں گے بلکہ بروکن (ٹوٹ چکا) کہیں گے۔‘‘

قبل ازیں بدھ کی رات کانگریس صدر راہل گاندھی نے مہنگائی کے مدے پر مرکز کی مودی حکومت پر سخت حملہ کیا ہے۔ شاعرانہ انداز میں کئے گئے ٹوئٹ میں راہل نے کہا تھا۔

روپیہ گیا 73 کے پار، مہنگائی مچائے ہاہاکار

تیل گیس کو لگی ہے آگ، بازار میں مچی بھاگم بھاگ

او 56 انچ سینے والے، کب تک چلے گا ’سائلنٹ موڈ‘

کہاں ہے اچھے دن کا کوڈ؟

واضح رہے، ڈالر کے مقابلہ روپیہ کی قیمت 74 کے قریب پہنچ چکی ہے جو اب تک کی سب سے نچلی سطح ہے۔ ملک میں پٹرول اور ڈیزل کے دام پہلے ہی آسمان پر ہیں۔ پٹرول کی قیمت 90 روپے کے پار چلی گئی ہے، ڈیزل بھی 85 پر پہنچ گیا ہے۔ راہل گاندھی نے اپنے ٹوئٹ میں انہیں سب باتوں کا ذکر کرتے ہوئے مودی حکومت پر حملہ کیا ہے اور ان کے مشہور انتخابی جملہ ’اچھے دن‘ والے نعرے کی یاد دلائی۔