اندور: کانگریس صدر راہل گاندھی اپنے دوروزہ دورے پر آج مدھیہ پردیش کے اندور شہر پہنچ گئے۔ اپنے اس دورے کے دوران وہ اندور، اجین، جھابوا، دھار، خرگون، مہو میں عوامی جلسہ کرنے کے ساتھ ہی اندور میں روڈ شو کریں گے۔ راہل گاندھی خصوصی طیارے سے اندور پہنچے جہاں سے وہ بذریعہ ہیلی کاپٹر اجین پینچ گئےہیں۔ اجین پہنچ کر انہوں نے بھگوان مہاکال کے درشن کیے۔
اب وہ ایک عوامی جلسے سے خطاب کریں گے۔ دوپہر میں وہ اجین سے روانہ ہوکر جھابوا پہنچیں گے، جہاں وہ کالج گراؤنڈ میں عوامی جلسے سے خطاب کریں گے۔ راہل گاندھی اندور واپس آکر وہاں شام کو روڈ شو کریں گے۔ روڈ شو کے بعد راہل گاندھی راج واڑا چوک پر ایک جلسےسے خطاب کریں گے۔
Published: undefined
ذرائع کے مطابق کل صبح کانگریس صدر اخبارات کے مدیر اور صحافیوں سے غیر رسمی بات چیت بھی کریں گے۔ دوپہر میں وہ تاجروں اور کاروباریوں سے بات چیت کریں گے۔ کل ہی وہ دھار اور خرگون میں عوامی جلسوں سے خطاب کریں گے۔ کل شام وہ مہو پہنچ کر امبیڈکر مجسمے پر خراج عقیدت پیش کریں گے اور مہو میں ہی نئے دسہرے میدان میں عوامی جلسے سے خطاب کریں گے۔ سبھی پروگراموں کے بعد کل شام وہ اندور سے خصوصی طیارے سے دہلی کےلئے روانہ ہوجائیں گے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined