قومی خبریں

راہل گاندھی نے بی جے پی حکومت کو جھوٹ اور ناانصافی کی ضمانت قرار دیا

کانگریس کے سابق صدر راہل گاندھی نے اپنے ایکس ہینڈل پر لکھا، ’’مودی جی! نئی گارنٹیوں سے پہلے پرانی گارنٹیوں کا حساب کرو‘‘

<div class="paragraphs"><p>راہل گاندھی / آئی اے این ایس</p></div>

راہل گاندھی / آئی اے این ایس

 

نئی دہلی: کانگریس لیڈر راہل گاندھی جمعرات کو بہار کے شہر اورنگ آباد پہنچنے والے ہیں۔ اس سے قبل انہوں نے وزیر اعظم نریندر مودی اور بھارتیہ جنتا پارٹی کو اپنے نشانے پر لیا۔ انہوں نے مودی کی گارنٹی پر طنز کرتے ہوئے کہا کہ پہلے 'پرانی گارنٹیوں' کا حساب دیا جائے۔

Published: undefined

کانگریس کے سابق صدر راہل گاندھی نے اپنے ایکس ہینڈل پر لکھا، ’’مودی جی! نئی گارنٹیوں سے پہلے پرانی گارنٹیوں کا حساب کرو۔‘‘ اس کے ساتھ انہوں نے وزیر اعظم مودی کے مختلف بیانات میں کئے گئے وعدوں مثلاً دو کروڑ نوکریوں، کسانوں کی آمدنی، کالا دھن کی واپسی وغیرہ کا ذکر کرتے ہوئے انہیں جھوٹ قرار دیا۔‘‘

Published: undefined

انہوں نے کہا، ’’دو کروڑ نوکری ہر سال کی گارنٹی - جھوٹ۔ کسان کی آمدنی دوگنی کرنے کی گارنٹی - جھوٹ۔ کالا دھن واپس لانے کی گارنٹی - جھوٹ۔ مہنگائی کم کرنے کی گارنٹی - جھوٹ۔ ہر کھاتے میں 15 لاکھ روپے کی گارنٹی - جھوٹ۔ خواتین کی سیکورٹی اور احترام کی گارنٹی - جھوٹ۔ 100 سمارٹ سٹی قائم کرنے کی گارنٹی - جھوٹ۔ روپے کو مضبوط بنانے کی گارنٹی - جھوٹ۔ چین کو لال آنکھ دکھانے کی گارنٹی - جھوٹ۔ نہ کھاؤں گا، نہ کھانے دوں گا کی گارنٹی - جھوٹ۔‘‘

Published: undefined

راہل گاندھی نے وزیر اعظم مودی پر طنز کرتے ہوئے مزید کہا، ’’10 سال سے جھوٹے خوابوں کا بائی سکوپ لے کر گھوم رہے وزیر اعظم ملک میں ٹھگی کا کاروبار کر رہے ہیں۔‘‘ انہوں نے صاف طور پر کہا کہ بی جے پی حکومت مطلب جھوٹ اور ناانصافی کی گارنٹی، ملک کے خوابوں کے ساتھ انصاف کانگریس کرے گی۔

Published: undefined

راہل گاندھی کی بھارت جوڑو عدالتی یاترا آج بہار میں داخل ہو رہی ہے۔ گاندھی جمعرات کو اورنگ آباد میں ایک جلسہ سے خطاب کریں گے۔ راہل گاندھی پہلے فضائی راستے سے گیا آئیں گے اور اس کے بعد وہ اورنگ آباد جائیں گے۔ انہوں نے بتایا کہ گاندھی اورنگ آباد کے گاندھی میدان میں دوپہر بعد ڈیڑھ بجے ایک ریلی سے خطاب کریں گے۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined