آج ہندوستان اپنی 74ویں یوم آزادی منا رہا ہے۔ اس موقع پر کانگریس کے سابق قومی صدر راہل گاندھی نے ٹوئٹ کر کے عوام کو مبارکباد پیش کی ہے۔ اس موقع پر انھوں نے پنڈت جواہر لال نہرو کا ایک نظریہ لوگوں کے ساتھ شیئر کیا ہے۔ انھوں نے لکھا ہے کہ "بقائے باہمی کا واحد متبادل تباہی ہے... جواہر لال نہرو۔" ٹوئٹ کے آخر میں انھوں نے لکھا "یوم آزادی پر نیک خواہشات۔"
Published: 15 Aug 2020, 10:46 AM IST
کانگریس جنرل سکریٹری پرینکا گاندھی نے بھی ٹوئٹ کے ذریعہ لوگوں کو یوم آزادی کی مبارکباد پیش کی اور مجاہدین آزادی کی جدوجہد کو یاد کیا۔ انھوں نے اپنے ٹوئٹ میں لکھا کہ”جان کی قیمت ادا کر کے طویل جدوجہد کے بعد ہندوستان کو آزادی ملی۔ کروڑوں ہندوستانی ایک ہو کر سچ کے لیے لڑے اور جیتے۔ جان کی بازی لگا کر ہمیں اپنی آزادی کی حفاظت کرنی ہے۔ یوم آزادی کے مبارک موقع پر سرحد پر کھڑے جوانوں، طبی اہلکاروں، صفائی ملازمین، کسانوں اور مزدوروں کو سلام۔“
Published: 15 Aug 2020, 10:46 AM IST
واضح رہے کہ اس سال ایک طرف آزادی کا جشن ہے تو دوسری طرف کورونا کا قہر ہے۔ کورونا انفیکشن کا پھیلاؤ نہ ہو اس لیے کئی طرح کے احتیاط کے ساتھ جگہ جگہ جشن آزادی منایا جا رہا ہے۔
Published: 15 Aug 2020, 10:46 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 15 Aug 2020, 10:46 AM IST
تصویر: محمد تسلیم