لکھنؤ: بہوجن سماج پارٹی (بی ایس پی) کی صدر مایاوتی نے آئین ساز ڈاکٹر بھیم راو امبیڈکر کی 66 ویں برسی کے موقع پر انہیں خراج عقیدت پیش کرتے ہوئے کہا ہے کہ آئین کی حفاظت اب تبدیلی اقتدار سے ہی ممکن ہے اور اس بات کو دھیان میں رکھتے ہوئے دلت سماج کو اقتدار کی کنجی اپنے ہاتھوں میں لینا وقت کی مانگ ہے۔
Published: undefined
مایاوتی نے ڈاکٹر امبیڈکر کے پرینیروان دیوس پر یہاں پریس کانفرنس میں کہا کہ برابری کے اصولوں پر مبنی آئین آج بحران کی حالت میں ہے۔ انہوں نے کہا کہ مرکز اور اترپردیش میں اب تو تبدیلی اقتدار سے ہی آئین کو موجودہ دور میں بحران سے دو چار ہونے سے بچایا جا سکتا ہے۔
Published: undefined
مایاوتی نے کہا کہ دلت سماج کو اپنے حقوق حاصل کرنے کے لئے اقتدار کی چابی اپنے ہاتھوں میں لینی پڑے گی۔ انہوں نے بابا صاحب کی کوششوں کو یاد کرتے ہوئے بی ایس پی کارکنان سے اترپردیش کے آئندہ انتخابات میں پارٹی کو جتانے کے لئے لگنے کی اپیل کرتے ہوئے کہا کہ 2022 میں بی ایس پی 2007 سے بھی مضبوطی سے الیکشن جیت کر حکومت بنائے گی۔
Published: undefined
اترپردیش کی سابق وزیراعلی مایاوتی نے سماج وادی پارٹی (ایس پی) کی پہلے کی حکومتوں میں انتشار کا غلبہ ہونے کی یادیں تازہ کرتے ہوئے کہا کہ ایس پی کتنے بھی اتحاد کر لے لیکن اترپردیش کے عوام ایس پی کی حکومت میں غنڈہ راج کو بھولے نہیں ہیں۔ اس سے پہلے مایاوتی نے بی ایس پی جنرل سکریٹری ستیش چندر مشر کے ساتھ امبیڈکر یادگار پر جا کر بابا صاحب کو خراج عقیدت پیش کیا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر سوشل میڈیا