دہلی پولیس نے پیغمبر محمد صلی اللہ علیہ وسلم کے خلاف مبینہ طور سے متنازعہ تبصرہ کرنے والے معطل بی جے پی لیڈروں کے احتجاج میں مظاہرہ کےد وران فساد بھڑکانے کی کوشش سمیت مختلف الزامات کے تحت اے آئی ایم آئی ایم کے 30 اراکین کو گرفتار کیا ہے۔ ایک افسر نے جمعہ کویہ جانکاری دی۔ قومی راجدھانی میں جمعرات کو احتجاجی مظاہرہ کیا گیا تھا۔
Published: undefined
مظاہرین کے خلاف ایک ایف آئی آر درج کی گئی ہے جس کے مطابق انھیں دفعہ 147 (فساد کے لیے سزا)، 149، 186، 188، 353، 332 اور تعزیرات ہند کی دفعہ 34 کے تحت گرفتار کیا گیا۔ سرکاری ذرائع نے کہا کہ ’’انھیں جلد ہی عدالت میں پیش کیا جائے گا۔‘‘ دراصل اے آئی ایم آئی ایم کے کئی اراکین پیغمبر محمد کے خلاف قابل اعتراض تبصرہ کرنے کو لے کر معطل بی جے پی لیڈروں نوپور شرما اور نوین کمار جندل کے خلاف اپنا احتجاج درج کرانے کے لیے سنسد مارگ پولیس اسٹیشن کے باہر جمع ہوئے تھے۔
Published: undefined
مظاہرین نے مذکورہ بی جے پی لیڈروں کی فوری گرفتاری کا مطالبہ کیا، لیکن جیسے ہی انھوں نے سنسد مارگ تھانے کے باہر نعرہ بازی کی، پولیس نے 30 مظاہرین کو حراست میں لیا اور انھیں مندر مارگ پولیس تھانے لے گئی۔ دہلی پولیس پی آر او سمن نلوا نے جمعرات کو کہا تھا کہ ’’ہم نے ان لوگوں کے خلاف ایف آئی آر درج کی ہے جو نفرت کے پیغام پھیلا رہے تھے، مختلف گروپوں کو اُکسا رہے تھے اور ایسے حالات پیدا کر رہے تھے جو عوامی امن بنائے رکھنے کے لیے مضر ہیں۔ ایک معاملہ نوپور شرما کے خلاف درج کیا گیا ہے اور دوسرا جائزہ کی بنیاد پر کئی سوشل میڈیا اداروں کے خلاف درج کیا گیا ہے۔ تفصیل کے لیے سوشل میڈیا بچولیوں کو نوٹس بھیجے جائیں گے۔‘‘
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined