کانگریس جنرل سکریٹری پرینکا گاندھی نے بی جے پی رکن پارلیمنٹ برج بھوشن شرن سنگھ کو لے کر پی ایم مودی پر طنزیہ حملہ کیا ہے۔ دراصل جنتر منتر پر گزشتہ کئی دنوں سے ونیش پھوگاٹ اور ساکشی ملک سمیت کئی پہلوانوں کا دھرنا جاری ہے۔ انھوں نے کشتی فیڈریشن کے چیف برج بھوشن سنگھ پر جنسی استحصال کا الزام لگایا ہے اور حکومت پر اپنے وعدے سے پیچھے ہٹنے کا بھی الزام لگا رہے ہیں۔ پہلوان برج بھوشن کی گرفتاری اور عہدہ سے ہٹانے کا مطالبہ لگاتار کر رہے ہیں۔ لیکن اب تک انھوں نے نہ تو کشتی فیڈریشن کے چیئرمین عہدہ سے استعفیٰ دیا ہے اور نہ ہی ان پر کوئی کارروائی ہوئی ہے۔
Published: undefined
اس درمیان برج بھوشن شرن سنگھ نے ایک بیان جاری کیا ہے جس میں کہا ہے کہ پی ایم مودی کہیں گے تو میں فوراً استعفیٰ دے دوں گا، امت شاہ اور جے پی نڈا بھی کہیں تو بھی دے دوں گا۔ ان کے اس بیان پر پرینکا گاندھی نے پی ایم مودی پر طنز کرتے ہوئے ایک ٹوئٹ کیا ہے۔ اس میں انھوں نے لکھا ہے ’’نریندر مودی جی کہہ دیجیے۔ انصاف کو آپ کی ’ہاں‘ کا انتظار ہے۔‘‘
Published: undefined
واضح رہے کہ ہفتہ کے روز پرینکا گاندھی بھی پہلوانوں کے دھرنے میں شامل ہونے پہنچی تھیں۔ انھوں نے پہلوانوں کے ساتھ تقریباً ایک گھنٹہ وقت گزارا۔ اس دوران ان کی پریشانی سنی اور ان کے ساتھ اظہارِ ہمدردی کرتے ہوئے حکومت سے کئی سوال بھی پوچھے۔ انھوں نے سوال کیا کہ حکومت برج بھوشن سنگھ کو کیوں بچا رہی ہے، انھیں عہدہ سے دستبردار کیوں نہیں کیا جا رہا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر سوشل میڈیا