کورونا بحران کے سبب رکشا بندھن کا تہوار آج پورے ملک میں انتہائی احتیاط کے ساتھ منایا جا رہا ہے۔ اس درمیان صدر جمہوریہ اور وزیر اعظم سمیت مختلف سیاسی لیڈروں نے عوام کو مبارکباد پیش کیں۔ کانگریس جنرل سکریٹری پرینکا گاندھی نے اس موقع پر اپنے بھائی راہل گاندھی کے حوالے سے انتہائی اہم ٹوئٹ کیا اور بتایا کہ راہل ان کی زندگی میں کتنی اہمیت رکھتے ہیں۔
Published: 03 Aug 2020, 4:45 PM IST
بہن اور بھائی کی لازوال محبت والے اس تہوار کے موقع پر اپنے ٹوئٹ میں پرینکا گاندھی نے لکھا ہے کہ "ہر سکھ دکھ میں ساتھ رہتے ہوئے میں نے اپنے بھائی سے محبت، سچائی اور صبر کا ساتھ سیکھا ہے۔ مجھے ایسا بھائی ملنے پر فخر ہے۔" ساتھ ہی انھوں نے ہم وطنوں کو مبارکباد پیش کرتے ہوئے لکھا ہے کہ "سبھی ہم وطنوں کو پاکیزہ تہوار رکشا بندھن کی دل کی گہرائیوں سے مبارکباد۔"
Published: 03 Aug 2020, 4:45 PM IST
قابل ذکر ہے کہ اس سے قبل راہل گاندھی نے بھی رکشا بندھن کے موقع پر ہم وطنوں کو مبارکباد پیش کرتے ہوئے ایک ٹوئٹ کیا۔ اس میں انھوں نے لکھا ہے کہ "آپ سبھی کو رکشا بندھن کی مبارکباد۔" ٹوئٹ کے ساتھ راہل گاندھی نے ایک تصویر بھی شیئر کی ہے جس میں وہ اپنی بہن پرینکا گاندھی کو گلے لگا رہے ہیں۔
Published: 03 Aug 2020, 4:45 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 03 Aug 2020, 4:45 PM IST
تصویر: محمد تسلیم
تصویر: سوشل میڈیا