ویڈیو: یو پی پنچایت الیکشن میں ظلم کی شکار انیتا یادو کی تکلیف اکھلیش نے نہیں پرینکا گاندھی نے محسوس کی... شاہنواز عالم

گزشتہ دنوں کانگریس کی جنرل سکریٹری اور اتر پردیش کی انچارج پرینکا گاندھی نے لکھنؤ کا دورہ کیا اور پنچایت الیکشن کے دوران ظلم و زیادتی کی شکار سماجوادی پارٹی کارکن انیتا یادو سے ملاقات کی۔ انھوں نے یوگی حکومت کو تنقید کا نشانہ بناتے ہوئے کہا کہ ہندوستان جیسے جمہوری ملک میں سب کو الیکشن لڑنے کا حق ہے اور غنڈہ گردی کے ذریعہ یہ حق نہیں چھینا جا سکتا۔ اس تعلق سے اتر پردیش کانگریس اقلیتی سیل کے سربراہ شاہنواز عالم نے ’قومی آواز‘ کی نمائندہ سے خصوصی گفتگو کی اور پرینکا گاندھی کے ذریعہ انیتا یادو سے ملاقات کو بہت اہم ٹھہرایا۔ انھوں نے یہ سوال بھی اٹھایا کہ انیتا یادو پر جو ظلم ہوا اس کے خلاف اکھلیش یادو کو بھی آواز اٹھانی چاہیے تھی اور ان سے ملاقات بھی کرنی چاہیے تھی، لیکن انھوں نے ایسا نہیں کیا جو کہ افسوسناک ہے۔ شاہنواز عالم نے اس تعلق سے مزید کیا کہا، یہ جاننے کے لیے دیکھیے یہ ویڈیو...