نئی دہلی: بڑھتی ہوئی گرمی کے دوران ملک کو بجلی کے بحران سے بچانے کے لیے ناردرن ریلوے نے اب تک کل 40 مسافر ٹرینیں منسوخ کی ہیں۔ ان چالیس ٹرینوں کی کل 1081 ٹرپس منسوخ کر دی گئی ہیں۔ یہ ٹرینیں 24 مئی تک منسوخ رہیں گی۔ ان ٹرینوں کو اس لیے منسوخ کیا گیا ہے تاکہ کوئلہ لے جانے والی خالی اور لدی ہوئی مالبردار ٹرینوں کی آمدورفت کو ترجیح دی جا سکے۔ صرف ان روٹس کی مسافر ٹرینیں منسوخ کی گئی ہیں جن پر کوئلے کی مالبردار ٹرینیں چل رہی ہیں۔
Published: undefined
ریلوے کی ’ایس ای سی آر‘ یعنی جنوب مشرقی وسطی ریلوے زون میں بلاس پور، رائے پور اور ناگپور ڈویژنز شامل ہیں۔ اس علاقے میں کوئلہ سے لدی ٹرینوں کی آمدورفت سب سے زیادہ ہے، اس لیے یہاں چلنے والی کل 32 ٹرینوں کو منسوخ کیا گیا ہے۔ ان ٹرینوں کی کل 1041 ٹرپس منسوخ کی گئی ہیں، جن میں 479 میل/ایکسپریس ٹرینیں اور 562 مسافر ٹرینیں ہیں۔ کوئلے کی وجہ سے منسوخ ہونے والی اس زون کی تمام ٹرینیں 24 مئی تک منسوخ رہیں گی۔
Published: undefined
دہلی، امبالہ، فیروز پور، مراد آباد اور لکھنؤ ڈویژن شمالی (ناردرن) ریلوے زون کے تحت آتے ہیں۔ پنجاب، ہریانہ اور دادری کے پاور پلانٹس کے لیے کوئلہ ان علاقوں سے ہی گزرتا ہے۔ ان علاقوں میں 8 ٹرینوں کے کل 40 چکر منسوخ کئے گئے ہیں۔ یہ ٹرینیں 8 مئی تک منسوخ رہیں گی۔ منسوخ ہونے والی ٹرینوں میں دو جوڑی میل ایکسپریس ٹرینیں اور دو جوڑی مسافر ٹرینیں شامل ہیں۔ یہ سب روزانہ چلنے والی ٹرینیں ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined