لکھنؤ: گزشتہ دو دن سے کانگریس کی جنرل سکریٹری پرینکا گاندھی واڈرا کو نشانہ بنانے والی بہوجن سماج پارٹی کی سربراہ مایاوتی نے آج اتر پردیش کے وزیر اعلی یوگی آدتیہ ناتھ کی تنقید کرتے ہوئے پولیس کی کارروائی پر سوال اٹھائے۔
Published: undefined
بی ایس پی سربراہ مایاوتی نے آج مسلسل دو ٹوئٹ کیے۔ انہوں نے شہریت ترمیمی قانون (سی اے اے) پر ریاست میں ہو رہے مظاہرہ پر پولیس کی کارروائی پر سوال اٹھایا ہے۔ مایاوتی نے کہا کہ پولیس نے جانچ کیے بغیر مظاہرین پر کارروائی کی۔ پولیس کی کارروائی شرمناک اور قابل مذمت ہے۔ ریاستی حکومت فوری طور پر بے گناہوں کو رہا کرے۔ پورے معاملے کی عدالتی جانچ ہونی چاہیے۔
Published: undefined
مایاوتی نے دوسرے ٹوئٹ میں کہا کہ یوپی میں سی اے اے اور این آر سی کی مخالفت میں کیے گئے مظاہروں میں بغیر جانچ کے ہی خاص طور بجنور، سنبھل، مظفرنگر، میرٹھ، فیروزآباد اور دیگر اور اضلاع میں بھی جن بے گناہوں کو جیل بھیج دیا ہے، جسے میڈیا نے بھی اجاگر کیا ہے، یہ انتہائی شرمناک اور قابل مذمت ہے۔
Published: undefined
انہوں نے مزید کہا کہ بی ایس پی کی یہ مانگ ہے کہ یوپی حکومت کو اپنی غلطی کے لئے معافی مانگنی چاہیے، جن معصوم کی موت ہوئی ہے ان کے خاندان کی مدد کی جانی چاہیے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined