پنجاب نیشنل بینک گھوٹالہ کے اہم ملزم اور ہیرا کاروباری نیرو مودی پر انفورسمنٹ ڈائریکٹوریٹ (ای ڈی) نے شکنجہ کسا ہے۔ ای ڈی نے نیرو مودی کی غیر ممالک میں موجود ملکیت کو اٹیچ یعنی منسلک کر لیا ہے۔ نیرو کی ہانگ کانگ، امریکہ، برطانیہ اور سوئٹزرلینڈ میں کئی جگہوں پر ملکیتیں تھیں۔ میڈیا رپورٹ کے مطابق نیرو مودی کے غیر ممالک میں موجود اکاؤنٹس اور زیورات بھی اٹیچ کر لیے گئے ہیں۔ اس کی قیمت تقریباً 637 کروڑ روپے بتائی جا رہی ہے۔
Published: undefined
ذرائع کے مطابق نیو یارک میں نیرو مودی کی دو غیر منقولہ ملکیتیں ہیں جنھیں اٹیچ کیا گیا ہے۔ ان کی قیمت تقریباً 216 کروڑ روپے ہے۔ ای ڈی نے اس کے علاوہ ہیرا کاروباری کے 5 اوورسیز اکاؤنٹ، جن میں 278 کروڑ روپے رقم اور جنوبی ممبئی میں 19.5 کروڑ روپے کا فلیٹ اٹیچ کیا ہے۔ وہیں 22.69 کروڑ روپے کے ہیروں سے مزین زیورات ہانگ کانگ سے ہندوستان لائے جا رہے ہیں۔ گزشتہ مہینے ای ڈی نے نیرو مودی کی تقریباً 4 ہزار کروڑ روپے کی غیر ملکی ملکیت کی شناخت کی تھی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر سوشل میڈیا