’کاکروچ جنتا پارٹی‘ کا پُرامن مظاہرہ جاری، نوجوان طبقہ وزیر تعلیم دھرمیندر پردھان سے استعفیٰ کا کر رہا مطالبہ

’’لوگ کہتے ہیں تحریک، دھرنا و مظاہرہ اور جلوس نکالنے سے کیا ہوتا ہے؟ اس سے یہ ثابت ہوتا ہے کہ ہم زندہ ہیں۔ حکومت کے لیے ہم ہو سکتے ہیں کیڑے مکوڑے، لیکن ہم زندہ ہیں اور اپنے حقوق کی جنگ لڑنے کے قابل ہیں۔‘‘ یہ تبصرہ سوشل میڈیا پلیٹ فارم ’ایکس‘ پر ’کاکروچ اِز بیک‘ ہینڈل سے پوسٹ کیا گیا ہے۔ یہ بیان اس احتجاجی مظاہرہ کی نمائندگی کر رہا ہے جو راجدھانی دہلی کے جنتر منتر پر ہزاروں نوجوان کر رہے ہیں، جس میں مرکزی وزیر تعلیم دھرمیندر پردھان سے استعفیٰ کا مطالبہ رکھا گیا ہے۔