قومی خبریں
عمر عبداللہ اور پایل کے طلاق کو سپریم کورٹ کی ملی منظوری، دونوں 17 سالوں سے تھے علیحدہ
سپریم کورٹ کے سامنے سماعت کے دوران دونوں فریقوں کی نمائندگی کر رہے سینئر وکیل کپل سبل نے بنچ کو بتایا کہ میاں بیوی نے اپنے باہمی اختلافات کو مکمل طور پر حل کر لیا ہے۔
عمر عبداللہ / آئی اے این ایس
جموں و کشمیر کے وزیر اعلیٰ عمر عبداللہ اور کئی سالوں سے علیحدہ رہ رہی ان کی اہلیہ پایل عبداللہ کا 17 سال پرانا ازدواجی رشتہ باضابطہ طور پر ختم ہونے جا رہا ہے۔ دونوں فریقوں کی جانب سے باہمی رضامندی سے طلاق لینے اور ایک دوسرے کے خلاف درج تمام زیر التوا قانونی مقدمات واپس لینے کی اطلاع دیے جانے کے بعد سپریم کورٹ نے اس معاملے کو نمٹانے کی بات کہی ہے۔ سپریم کورٹ میں جسٹس پی ایس نرسمہا اور جسٹس آلوک آرادھے کی بنچ کے سامنے سماعت کے دوران دونوں فریقوں کی نمائندگی کر رہے سینئر وکیل کپل سبل نے بنچ کو بتایا کہ میاں بیوی نے اپنے باہمی اختلافات کو مکمل طور پر حل کر لیا ہے۔
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔