قومی خبریں
پلوامہ: علیحدگی پسندوں کے گھروں پر این آئی اے کی چھاپہ ماری
پلوامہ کے اونتی پورہ میں قومی تحقیقاتی ایجنسی یعنی این آئی اے نے پولس اور سی آر پی ایف کی مدد سے مدثر خان اور منظور ملک کے گھروں پر چھاپے مار کر تلاشی کی۔
سری نگر: قومی تحقیقاتی ایجنسی (این آئی اے) نے بدھ کے روز اپنی چھاپہ مار کارروائیوں کا سلسلہ دوسرے دن بھی جاری رکھتے ہوئے جنوبی کشمیر میں 11 مختلف مقامات پر چھاپے مارے۔ ذرائع کے مطابق جموں کشمیر کے ضلع پلوامہ کے اونتی پورہ علاقے میں این آئی اے نے بدھ کے روز جیش محمد سے وابستہ بعض سرگرم ملی ٹنٹوں اور علیحدگی پسندوں کے گھروں پر چھاپے مارے۔ پولس ذرائع کے مطابق پلوامہ کے اونتی پورہ میں قومی تحقیقاتی ایجنسی (این آئی اے) نے پولس اور سی آر پی ایف کی مدد سے مدثر خان اور منظور ملک کے گھروں پر چھاپے مار کر تلاشی کی۔ انہوں نے کہا کہ ایجنسی نے مارہامہ کے سجاد احمد کے گھر بھی چھاپہ مارا۔
Published: undefined
سجاد احمد کے بارے میں بتایا جاتا ہے کہ پلوامہ خود کش دھماکے میں اُسی کی گاڑی استعمال کی گئی تھی۔ سجاد نے مبینہ طور پر 'جیش محمد' کی صفوں میں شمولیت اختیار کی ہے۔ مدورہ کا رہنے والا منظور ملک 'جیش محمد' کا مبینہ اعانت کار ہے۔ وہ اس وقت پولس حراست میں ہے۔ قابل ذکر ہے کہ قومی تحقیقاتی ایجنسی نے گذ شتہ روز حریت کانفرنس (ع) کے چیئرمین میر واعظ عمر فاروق اور لبریشن فرنٹ کے چیئرمین محمد یاسین ملک سمیت کئی علیحدگی پسند رہنماؤں کی رہائش گاہوں پر بھی چھاپے مارے تھے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined