شاملی: عام آدمی پارٹی (عآپ) کے اترپردیش انچارج اور راجیہ سبھا کے رکن پارلیمنٹ سنجے سنگھ کا کہنا ہے کہ مرکزی حکومت کے منظور کردہ نئے زرعی قوانین کسانوں کو بربادی کی راہ پر لے جائیں گے۔ انہوں نے کہا کہ آج پورے ملک کے کسان ان قوانین کے خلاف کھڑے ہیں۔ کسان دن رات سڑکوں پر احتجاج کر رہے ہیں اور حکومت کے وزیر موج کر رہے ہیں۔
Published: undefined
سنجے سنگھ ہفتہ کے روز شاملی میں موجود تھے جہاں اور عام آدمی پارٹی کی جائزہ میٹنگ میں شرکت کر رہے تھے۔ میٹنگ کے دروان میرٹھ میں ہونے والی کسان ریلی کے لیے عوامی حمایت حاصل کرنے پر زور دیا گیا۔ خیال رہے کہ 28 فروری کو میرٹھ میں منعقد ہونے جا رہی کسان مہاریلی میں دہلی کے وزیر اعلی اروند کیجریوال بھی شرکت کریں گے۔
Published: undefined
شاملی میں جھنجھانہ روڈ پر واقع ایم ایس فارم پر عام آدمی پارٹی کی جائزہ میٹنگ میں سنجے سنگھ نے کارکنوں سے خطاب کرتے ہوئے کہا کہ 28 فروری کو میرٹھ میں کسان مہاپنچایت کا انعقاد کیا جا رہا ہے جس میں دہلی کے وزیر اعلی اروند کیجریوال شرکت کریں گے۔ انہوں نے کارکنوں سے مہا پنچایت کو کامیاب بنانے کے لئے جی جان سے جمع ہونے کی اپیل کی۔
Published: undefined
اس موقع پر صحافیوں سے گفتگو کرتے ہوئے سنجے سنگھ نے کہا ’’مرکزی حکومت کے ذریعہ منظور کردہ زرعی قانون مکمل طور پر کسان مخالف ہے۔ زرعی قوانین کے خلاف احتجاج کرنے والے کسانوں کے بارے میں حکومت کا کہنا ہے کہ ان کو بہکا کر یہاں بیٹھایا گیا ہے، اگر ایسا ہی ہے تو پھر بی جے پی قائدین کو بھی تحریک کی جگہ پر بیٹھا کر دکھاؤ۔ 90 سال کے بزرگ بھی کڑاکے کی ٹھنڈ میں سڑکوں پر بیٹھے ہیں، یہ حکومت کی آمریت کا عالم ہے۔‘‘
Published: undefined
سنجے سنگھ نے کہا ’’جس طرح حکومت نے کسانوں کو روکنے کے لئے خاردار تاروں کو لگایا ہے، اسی طرح کسان بھی اپنے گاؤں میں خاردار تار لگا کر بی جے پی کو جواب دیں گے۔ زرعی قوانین کے بارے میں جب پارلیمنٹ میں بل لایا گیا تو میں نے سب سے پہلے اس کی مخالفت کی تھی اور بل کو پھاڑ دیا تھا، جس کے بعد مجھے معطل کر دیا گیا تھا۔ آج بی جے پی کسانوں کی ہڈیاں توڑ رہی ہے تو کیا بی جے پی کو معطل نہیں کیا جانا چاہئے!‘‘
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم