سپریم کورٹ نے جمعہ کو مبینہ منی لانڈرنگ معاملے میں فروری 2022 سے جیل میں بند این سی پی کے سینئر لیڈر اور مہاراشٹر کے سابق وزیر نواب ملک کو آج بڑی راحت دیتے ہوئے میڈیکل گراؤنڈ پر عبوری ضمانت دے دی۔ نواب ملک گردے اور دیگر سنگین بیماریوں سے نبرد آزما رہے ہیں۔
Published: undefined
سپریم کورٹ ججوں جسٹس انیردھ بوس اور جسٹس بیلا ایم ترویدی کی بنچ نے کہا کہ نواب ملک کا گردے اور دیگر بیماریوں کا علاج چل رہا ہے، اس لیے صحت کی بنیاد پر دو مہینے کے لیے عبوری راحت دی جا رہی ہے۔ بنچ نے اپنے حکم میں کہا کہ "ہم صرف میڈیکل گراؤنڈ پر ہی حکم جاری کر رہے ہیں اور کچھ نہیں۔"
Published: undefined
واضح رہے کہ انفورسمنٹ ڈائریکٹوریٹ نے نواب ملک کو فروری 2022 میں پی ایم ایل اے (پریونشن آف منی لانڈرنگ ایکٹ) کے تحت گرفتار کیا تھا۔ جمعہ کو ای ڈی نے سپریم کورٹ میں ضمانت کے لیے ان کی عرضی کی مخالفت نہیں کی۔ ملک کو ای ڈی نے انڈرورلڈ سے روابط کے ساتھ ملکیت کے سودے سے جڑے مبینہ منی لانڈرنگ معاملے میں گرفتار کیا تھا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined