مشہور و معروف اردو اسکالر اور ناقد پروفیسر ابوالکلام قاسمی کا آج انتقال ہو گیا۔ سابق صدر شعبہ آرٹس، علی گڑھ مسلم یونیورسٹی پروفیسر ابوالکلام کے انتقال کی خبر سے اردو دنیا میں غم و اندوہ کی لہر دوڑ گئی ہے۔ اردو ادب سے تعلق رکھنے والے شخصیات کے ذریعہ تعزیت اور خراج عقیدت کا سلسلہ شروع ہو گیا ہے۔
Published: 08 Jul 2021, 7:40 PM IST
اتر پردیش میں بلاک پرمکھ الیکشن کی نامزدگی کے دوران پیش آئے تشدد کے واقعات کو لے کر کانگریس جنرل سکریٹری پرینکا گاندھی نے بی جے پی حکومت کو سخت تنقید کا نشانہ بنایا ہے۔ انھوں نے اپنے ٹوئٹر ہینڈل سے تشدد کا ایک ویڈیو شیئر کرتے ہوئے لکھا ہے کہ ’’پی ایم صاحب اور سی ایم صاحب اس کے لیے بھی مبارکباد دیجیے کہ یو پی میں آپ کے کارکنان نے... کتنی جگہ بمبازی، گولی باری، پتھر بازی کی... کتنے لوگوں کا پرچہ لوٹا... کتنے صحافیوں کو پیٹا... کتنی جگہ خواتین سے بدتمیزی کی۔ نظامِ قانون کی آنکھ پر پٹی باندھ کر جمہوریت کا چیر ہرن (عزت سے کھلواڑ) چل رہا ہے۔‘‘
Published: 08 Jul 2021, 7:40 PM IST
بی جے پی رکن پارلیمنٹ جیوترادتیہ سندھیا کا فیس بک اکاؤنٹ ہیک کیے جانے کی خبریں موصول ہو رہی ہیں۔ اس سلسلے میں بتایا جا رہا ہے کہ پولیس نے ایف آئی آر درج کر لی ہے اور جانچ شروع ہو چکی ہے۔ اس درمیان کرائم برانچ کے ڈی ایس پی نے بتایا کہ ’’8-7 جولائی کے درمیان ان کا اکاؤنٹ نامعلوم شخص کے ذریعہ ہیک کیا گیا۔ ان کا فیس بک اکاؤنٹ ان کے آئی ٹی سیل کے ذریعہ چلایا جا رہا تھا۔ جانچ جاری ہے۔‘‘
Published: 08 Jul 2021, 7:40 PM IST
آج ہوئی کابینہ میٹنگ کے بعد نئے مرکزی وزیر صحت منسکھ منڈاویا نے پریس کانفرنس سے خطاب کیا۔ اس دوران انھوں نے ہیلتھ ایمرجنسی کے لیے 23 ہزار کروڑ روپے کے پیکیج کا اعلان کیا۔ انھوں نے کہا کہ 8 ہزار کروڑ روپے ریاستی حکومتوں کو دیے جائیں گے۔ منڈاویا نے مزید کہا کہ ملک میں 4 لاکھ سے زائد آکسیجن بیڈ دستیاب ہیں، کووڈ اسپتال 163 سے بڑھ کر 1389 ہو گئے ہیں اور آکسیجن بیڈس کو 50 ہزار سے بڑھا کر 4 لاکھ 17 ہزار 396 کر دیا گیا ہے۔
Published: 08 Jul 2021, 7:40 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 08 Jul 2021, 7:40 PM IST