ممبئی: عروس البلاد ممبئی میں گلوبل کیئر فاونڈیشن کے زیراہتمام معمولی جرم کے لیے سزا پانے والے اور ضمانت کی رقم نہ جمع کر پانے کی وجہ سے جیل کی سلاخوں کے پیچھے زندگی گزارنے والے قیدیوں کی رہائی اور اس تعلق سے معاشرہ میں بیداری پیدا کرنے کے مقصد سے سیوا نامی این جی او کے تعاون سے ایک مہم کا آغاز ہوا۔ اس تقریب میں شہر کی اہم شخصیات نے شرکت کی اور تنظیم کے عہدیداروں کی حوصلہ افزائی کرتے ہوئے اسے لاکھوں کے مالی تعاون سے بھی نوازا۔
Published: 24 Aug 2019, 9:10 PM IST
جنوبی ممبئی میں واقع اسلام جمخانہ میں منعقد کی جانے والی تقریب میں سیوا کے نومنتخب صدر شہزاد یوسف ابراہانی نے گلوبل کیئر فاونڈیشن کا تعارف پیش کرتے ہوئے مطلع کیا کہ گزشتہ سال فاونڈیشن کے ذریعہ ایسے 70 قیدیوں کو رہائی دلانے میں کامیابی حاصل کی جو معمولی جرم اور ضمانت کی رقم جمع نہ کرنے کی وجہ سے بلاوجہ قید و بند کی صعوبتیں جھیل رہے تھے۔
Published: 24 Aug 2019, 9:10 PM IST
گلوبل فانڈیشن کے منیجنگ ٹرسٹی عابد احمد کندلم نے اپنی تقریر میں گزشتہ دس ماہ میں فاونڈیشن کی کارکردگی پیش کی۔ انہوں نے مجبور اور بے یارومددگار قیدیوں کی کہانی سنائی، جس کو سن کر حاضرین جذباتی ہوگئے۔ انہوں نے مستقبل کا خاکہ اور تنظیم کے طریقہ کو پیش کرتے ہوئے کہا کہ مزید تعاون اور حمایت کے نتیجے میں ان کی تنظیم پُرعزم طور پر کام کرے گی اور ایسے بے یار و مددگار قیدیوں کو رہائی دلائی جبکہ منیشات کی بڑھتی ہوئی لعنت سے مسلم نوجوانوں کو بچانے کے لیے بھی کمرکس لی گئی ہے۔
Published: 24 Aug 2019, 9:10 PM IST
ایڈوکیٹ یوسف مچھالا نے کہا کہ اس قسم کے قیدیوں کو رہائی دلانے کے لیے مزید جدوجہد کی ضرورت ہے ،لیکن اس کے ساتھ ساتھ ہمیں اقلیتی علاقوںمیں جرائم میں اضافہ اور منشیات کے استعمال کی روک تھام کے لیے کافی کام کرنے ہوں گے ورنہ ہماری نوجوانوں نسل تباہ ہوجائے گی۔ انہوں نے اس بات پر افسوس کا اظہار کیا کہ مسلمان اس خطرناک رحجان کو روکنے میں ناکام ہیں۔اس سمت میں سنجیدگی کا مظاہرہ کرنے کی ضرورت ہے۔
Published: 24 Aug 2019, 9:10 PM IST
یوسف مچھالا نے ملک کے موجودہ حالات کا ڈٹ کر مقابلہ کرنے اور مایوس نہ ہونے کی تلقین کرتے ہوئے کہا کہ ایسے کئی مواقع ماضی میں بھی آئے ہیں ،مگر مایوس ہونے کے بجائے ہمیں پُرعز ٹرہنا ہوگااور استحکام برقراررکھنا چاہئے۔سپریم کورٹ کے وکیل نے حالیہ این آرسی کی افواہوں پر فکرمند نہ ہونے کی نصحیت کرتے ہوئے کہا کہ البتہ ہمیں اپنے دستاویزات کو مکمل رکھنا ہوگا کیونکہ معاملہ کسی بھی وقت بدل دیا جاسکتا ہے۔
Published: 24 Aug 2019, 9:10 PM IST
سابق ایم ایل اے سہیل لوکھنڈوالا نے بھی تشویش کا اظہار کرتے ہوئے کہا کہ گلوبل فاونڈیشن نے جو بیڑہ اٹھا یا ،اس کے لیے ہمیں ان کے ساتھ کھڑے رہنا ہوگا تاکہ ان کا حوصلہ بلندرہے۔ان کے کام کے عوض اللہ تعالیٰ انہیںنیک صلہ دے گا اور مغفرت فرمائے گا۔
Published: 24 Aug 2019, 9:10 PM IST
مولانا ظہیر عباس رضوی کا کہنا تھا کہ ہم ایک ایسے دورسے گزر رہے ہیں کہ کوئی دوردور تک پرسان حال نہیں ہے اور جو ہمیں 1400سال قبل ہمیں ہمارے نبی نے سکھایا تھا ،اسے ہم بھلا چکے ہیں اور دوسرے لوگ اس پر عمل کرنے کی ہمیں نصحیت کررہے ہیں جوکہ ایک افسوس ناک امر ہے۔سلیم الوارے اور اقبال میمن نے ہر طرح سے مکمل تعاون دینے کا یقین دلایا اور کہا کہ گلوبل کیئر فاونڈیشن کی کارکردگی کی وجہ سے محض دس مہینے میں 70قیدیوں کی رہائی ایک مثال ہے ،اس لیے ان کا ساتھ دینا سبھی کی ذمہ داری ہے۔
Published: 24 Aug 2019, 9:10 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 24 Aug 2019, 9:10 PM IST
تصویر: محمد تسلیم
تصویر: سوشل میڈیا