ممبئی کے نالا سوپارا علاقہ میں اے ٹی ایس (اینٹی ٹریررسٹ سکواڑ) نے چھاپہ ماری کرتے ہوئے بھاری مقدار میں دھماکہ خیز مواد برآماد کیا ہے۔ جس گھر ٹھاکانہ پر چھاپہ ماری کی گئی ہے وہاں سناتن سنستھا نامی سخت گیر ہندو تنظیم سے وابستہ ایک شخص ویبھو راؤت کا گھر اور دکان موجود ہیں۔ اے ٹی ایس نے چھاپہ ماری کے دوران تقریباً 8 دیسی بم برآمد کئے ہیں۔ حالانکہ سناتن سنستھا نے اس کی تردید کی ہے۔ ویبھو کو جمعہ کے روز عدالت میں پیش کیا گیا۔
Published: undefined
ویبھو کی دکان سے گن پاؤڈر برآمد ہوا ہے جبکہ کچھ ڈیٹونیٹر بھی ملے ہیں۔ گن پاؤڈر کی جتنی مقدار برآماد ہوئی ہے اس سے تقریباً 2 درجن بم تیار کئے جا سکتے ہیں۔
Published: undefined
خبروں کے مطابق ویبھو راؤت سناتن سنستھا اور ہندو جن جاگرتی سمیتی کا رکن تھا اور توڑ پھوڑ اور انہدامی سرگرمیوں کو لے کر پولس کی نظر میں تھا۔ اے ٹی ایس ذرائع کے مطابق گزشتہ کچھ دنوں سے وہ ویبھو کو ٹریک کر رہے تھے۔ شک پختہ ہونے پر جمعرات کی شام کارروائی کو انجام دیا گیا۔ ویبھو کو حراست میں لے کر پوچھ گچھ کی گئی۔
Published: undefined
ادھر ویبھو کے وکیل کا کہنا ہے کہ گرفتار کے حوالے سے انہیں اطلاع نہیں دی گئی۔ وکیل نے سوال کیا ہے کہ ملک اور مہاراشٹر میں کس طرح کے قانون پر عمل کیا جا رہا ہے!
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined