ماں نے بیٹی کے لئے بیٹے کی پارٹی کو چھوڑ ا، کہا جا رہا ہے بیٹے سے تھیں ناراض

آندھرا پردیش کے وزیر اعلیٰ وائی ایس جگن موہن ریڈی کو اس وقت زبردست جھٹکا لگا جب ان کی والدہ وائی ایس وجئےاما نے اپنی بیٹی شرمیلا کی پارٹی میں شامل ہونے کے لیے وائی ایس آر کانگریس کے اعزازی صدر کے عہدے سے استعفیٰ دے دیا ۔

شرمیلا پڑوسی ریاست تلنگانہ میں وائی ایس آر تلنگانہ پارٹی کی سربراہ ہیں۔ اپنے استعفیٰ کا اعلان کرتے ہوئے وجئے اما نے کہا کہ وہ ہمیشہ جگن موہن ریڈی کے قریب رہیں گی۔

جمعہ کو امراوتی میں شروع ہونے والے پارٹی کے کنونشن میں وائی ایس آر کانگریس چھوڑنے کے اپنے فیصلے کا اعلان کرتے ہوئے، انہوں نے کہا، "ایک ماں کے طور پر، میں ہمیشہ جگن کے قریب رہوں گی۔" وجےاما نے کہا، "شرمیلا اپنے والد کے نظریات کی پیروی کرتی ہیں اور تلنگانہ کو آگے لے جانے کے لئے تنہا لڑ رہی ہے اس لئے مجھے ایسا لگتا ہے کہ مجھے اس کا ساتھ دینا چاہئے۔‘‘ میں اس الجھن میں تھی کہ کیا میں دو سیاسی جماعتوں (دو ریاستوں میں) کی رکن رہ سکتی ہوں ۔انہوں نے کہا کہ ان کے لئے وائی ایس آر کانگریس کے اعزازی صدر کے طور پر جاری رہنا مشکل ہے۔

وائی ​​ایس وجےاما نے کہا، ’’میں نے کبھی نہیں سوچا تھا کہ ایسی صورتحال پیدا ہوگی۔ میں نہیں جانتی کہ ایسا کیوں ہوا، لیکن مجھے لگتا ہے کہ یہ خدا کی مرضی ہے۔"

قابل ذکر بات یہ ہے کہ کچھ عرصے سے ایسی خبریں آرہی تھیں کہ جگن موہن ریڈی اور ان کی بہن شرمیلا کے درمیان جائیداد سے متعلق مسائل کو لے کر سب کچھ ٹھیک نہیں چل رہا ہے۔ خبروں کے مطابق گزشتہ کچھ دنوں سے دونوں کے درمیان تلخی بہت بڑھ گئی ہے اوراسی وجہ سے جگن کی والدہ وجےاما اپنے بیٹے سے الگ ہو گئی ہیں ۔