اویسی اوکھلا سے بی جے پی کی جیت کو یقینی بنانے آئے ہیں: امانت اللہ خان کا الزام

دہلی اسمبلی انتخابات میں اوکھلا سے عام آدمی پارٹی کے امیدوار امانت اللہ خان نے اسد الدین اویسی پر اپنے خلاف امیدوار کھڑا کرنے پر تنقید کی اور کہا کہ وہ بی جے پی کی جیت کو یقینی بنانے آئے ہیں۔ امانت اللہ خان نے کہا کہ جب دہلی میں فسادات ہوئے تو اسد الدین اویسی کہاں تھے۔

انتخابی مہم کے دوران، عام آدمی پارٹی کی رکن اسمبلی امانت اللہ نے کہا، "میں نے اپنے آپ کو قربان کیا۔ اسد الدین اویسی کی قربانی کیا ہے؟ وہ دہلی فسادات کے دوران کہاں گئے تھے، وہی ہیں جو اوکھلا  کی سیٹ بی جے پی کو پہنچانے والے ہیں۔وہ آپ کے لیڈر کو شکست دینے آیا ہے جسے پورا ملک جانتا ہے۔ یہ آپ کا ہمدرد ہے، یہ ہمدردی نہیں ہے۔ یہ آپ کے ووٹ کو جذبے کے ساتھ بانٹنا چاہتے ہیں۔"

عام آدمی پارٹی کے رکن اسمبلی  نے کہا، ’’مجھے امید تھی کہ جب سے میں نے آپ یعنی عوام کی لڑائی لڑی ہے، یہ میرے خلاف امیدوار نہیں اتاریں گے ، لیکن مجھے اس دن افسوس ہوا جب آپ مجھے ہرانے کے لئے یہاں آ گئے۔ شہاب الدین ختم ہو گئے، مختار انصاری ختم ہو گئے، کون ہے ان کی لڑائی لڑنے والا ، ووٹ کاٹنے والی جماعتیں دوسروں کی مدد کے لیے آگئی ہیں۔ یہاں جیتنے کے لیے 90 ہزار ووٹ درکار ہیں، اس ماحول میں ان کو ووٹ دینے کا مقصد  ووٹ کو خراب کرنا ہے ۔‘‘

بی جے پی پر الزام لگاتے ہوئے امانت اللہ خان نے کہا، ’’بی جے پی نے آپ میں سے لوگوں کو خرید لیا ہے جو ان کے لیے بولیں گے۔ راتوں رات خریدا جائے گا۔ جس کا مقصد مسلمانوں کی آواز امانت اللہ کو ختم کرنا ہے۔ آج بی جے پی جیت گئی تو چار منزلہ عمارت نہیں ہوگی، پانی کا مسئلہ حل کروں گا۔ کیا وہ گٹر صاف کریں گے، کیا جھاڑو دینے آئیں گے؟ سڑک پانچ سال تک ٹوٹی رہے گی، وہ اسے بنانے نہیں آئیں گے۔ واضح رہےکہ امانت اللہ خان اوکھلا سے دو بار الیکشن جیتیں ہیں۔ بی جے پی نے یہاں سے منیش چودھری کو ٹکٹ دیا ہے۔ جبکہ کانگریس نے اریبہ خان کو اور اویسی کی پارٹی نے شفا الرحمان کو اپنا امیدوار بنایا ہے۔