مدھیہ پردیش کی راجدھانی بھوپال کے ستپورا بھون میں پیر کے روز زبردست آگ لگ گئی۔ اس عمارت میں سرکاری محکمہ کے کئی دفاتر بھی ہیں۔ پیر کی دوپہر کو ستپورا بھون میں تیسری منزل سے لگی آگ چھٹی منزل تک پہنچ گئی۔ آگ اتنی تیز تھی کہ اسے بجھانے کے لیے فوج کو بلانا پڑا۔ کئی گھنٹوں کی مشقت کے بعد آگ پر قابو پایا جا سکا۔ لیکن یہ آگ ابھی پوری طرح بجھائی نہیں جا سکی ہے۔
Published: undefined
اس درمیان ستپورا بھون میں لگی آگ کو لے کر کانگریس نے مدھیہ پردیش کی شیوراج حکومت پر زبردست الزام عائد کیا ہے۔ مدھیہ پردیش کانگریس کے بڑے لیڈر اور رکن اسمبلی جیتو پٹواری نے دعویٰ کیا ہے کہ اس آگ میں مدھیہ پردیش حکومت نے اپنی بدعنوانی کے دستاویزات کو جلایا ہے۔ ان کے علاوہ یوتھ کانگریس کے قومی صدر شرینواس نے بھی یہی دعویٰ کیا ہے۔ انھوں نے کہا کہ ’’ایک طرف پرینکا گاندھی نے بگل پھونک دیا اور وہیں دوسری طرف ستپورا بھون میں آگ لگ گئی۔ حکومت کی وداعی کے پہلے بدعنوانی کے ثبوت مٹانے کا سلسلہ ہوا شروع۔‘‘
Published: undefined
ستپورا بھون میں لگی آگ کے واقعہ پر جیتو پٹواری نے کہا کہ ’’ستپورا بھون میں آج پھر آگ لگ گئی۔ 50 فیصد کمیشن والی حکومت نے اپنی بدعنوانی کے دستاویزات کو جلا دیا۔ یہ آگ پہلی بار نہیں لگی ہے، اس سے پہلے یہ آگ 18 ستمبر 2018 کو لگی تھی۔ یہ آگ ستپورا بھون میں ہی کیوں لگتی ہے۔ سروے عوام کے حق میں ہے۔ عوام کے درمیان یہ پیغام ہے کہ مدھیہ پردیش میں کانگریس کی حکومت آ رہی ہے۔‘‘
Published: undefined
کانگریس رکن اسمبلی پی سی شرما نے بھی ستپورا بھون میں آتشزدگی واقعہ پر مدھیہ پردیش کی بی جے پی حکومت کو تنقید کا نشانہ بنایا ہے۔ انھوں نے اپنے ایک ٹوئٹ میں لکھا کہ ’’ستپورا بھون کے ڈائریکٹوریٹ آف ہیلتھ آفس میں آگ۔ کسی بھی ریاست میں انتخاب سے پہلے سرکاری ریکارڈ بھون میں اگر آگ لگ جائے تو سمجھو حکومت گئی، گناہ مٹا دیے گئے۔ وزیر اعلیٰ شیوراج اور ان کی حکومت کی چلا چلی کی بیلا ہے۔‘‘
Published: undefined
بہرحال، میڈیا رپورٹس کے مطابق ستپورہ بھون میں لگی آگ بجھانے کی مانیٹرنگ لگاتار وزیر اعلیٰ شیوراج چوہان کے ذریعہ کی جا رہی ہے۔ وزیر اعلیٰ کی ہدایت پر انتظامیہ نے میونسپل کارپوریشن کے ساتھ آرمی، آئی او سی ایل، بی پی سی ایل، ایئرپورٹ، سی آئی ایس ایف، بھیل، منڈیدیپ اور رائے سین سے فائر بریگیڈ کو فوراً بلایا ہے۔ وزیر اعلیٰ دفتر کے افسر بھی لگاتار ضلع انتظامیہ کے ساتھ پورے آپریشن کی مانیٹرنگ کر رہے ہیں۔ بھوپال کے پولیس کمشنر ہری نارائن چاری کے مطابق اب صرف اوپری منزل پر ہی آگ بچی ہے، باقی کی منزلوں کی آگ پر قابو پا لیا گیا ہے۔ گیس سلنڈر اور اے سی میں دھماکے ہو رہے ہیں جس سے آگ پھر سے خطرناک شکل اختیار کر سکتی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined